低學歷MK妹 VS 高學歷港女 網民發文點揀好？
廣告
擇偶條件人人不同，但就如「天氣不似如期」，理想對象可謂可遇不可求，現實中遇到嘅另一半唔多唔少都有啲缺點。近日有一名網友就似乎遇到擇偶疑難，喺網上以「冇學歷mk妹定高學歷港女」為題詢問網民們嘅意見。而網民們睇完兩者嘅條件後，除咗傾向揀MK妹外，有不少網民反而錯重點，留言質疑樓主所謂嘅「高學歷港女」人工點解咁低。
MK妹 VS 港女
近日有網友以「冇學歷mk妹定高學歷港女」為題發文，於網上咨詢網民們嘅擇偶意見。文中所指嘅兩位女士由背景、學歷、身型、性格都大不同，樓主形容「低學歷MK妹」中學畢業、身材豐滿、性格較平易近人、性情較開放、為人有情有義，更稱「捱過，知世界疾苦」，月入一萬起。而「高學歷港女」就拥有碩士學位、身材纖瘦、談吐有深度、性情高冷、要求高、難捉摸、個性拜金及為人「離地」唔知人間疾苦，月入兩萬。
網民力數3點：性格比學歷重要
對於兩者嘅條件，多數網民傾向選擇MK妹，認為MK妹性格更適合作為另一半，似乎學歷並非擇偶首要條件。其次認為MK妹身材好又易溝已經贏晒，同埋MK妹更明白事理。「女人真有深度把x咩」「知道世間疾苦已經贏一半 可以共患難喎」「梗係唔揀高學歷港女啦，得罪佢哋，分分鐘好似電影gone girl」網民更以林作前度麥明詩同現任裕美作比較，指高學歷林作都無揀高學歷港女，反而揀咗裕美。
原文：
網民錯重點 Master港女月入兩萬點可能？
不少網民認為港女同mk妹的條件比較差太遠，唔係所有港女都係無身材同拜金。而且則將焦點放在Master學歷但月入僅兩萬，實在不可思議，留言問樓主係米打少個零？亦有網民留言指月入兩萬點可能唔知人間疾苦，除非有家底，但有家底又點可能拜金，質疑樓主的發文自相矛盾，疑似「作文」。雖然樓主回復所言屬實，不過大部份網民仍表示難以置信。
網民揀MK妹但唔揀MK為名的嘉盈
對於多數網民留言選擇mk妹而非港女，似乎網民們並無異議，不過就有網民跳題指大部份人都揀mk妹，但就唔中意被籲為「MK女皇」及「絕種MK妹」嘅KOL界MK妹代表：嘉盈（王嘉盈），屬於雙重標準，似乎為嘉盈抱不平。但亦有網民分析指喺因為係樓主列出嘅兩者條件上己經令人傾向選擇MK妹。
