媾女前一定約去游一次水先！連登仔指出3大要點引熱討
廣告
對於媾女嚟講，的確有上千萬種的方法，每個方法或對不同女性都有唔同的效用。而唔少人在媾女方面都悟出有自己一套的人生真理，不過媾女都有成敗之分，正所謂：「唔係咁易㗎葉師傅」。
連登仔之領悟：媾女前一定約去游一次水先！
近日有一名連登仔以「認真，溝女前一定約去游一次水先」為題開post，當中提及如果要認識一位女性前，最緊要先同對方去游一次水。呢位連登仔就提及有3大要點是游水先會睇得見：
1.睇素顏
連登仔先是指游水就會見到對方素顏，直言「落水無得呃」，又指出好多女性都係「重妝甲」或者是「P圖怪」，但只要一落水就會現形。最後則道：「溝咗先發現俾人呃就喊都無謂」。
2.睇身材
他再分享指：「依家啲女好鐘意攝Pad（厚墊）著貼身衫扮大波」，令到唔少人出現好多女性都有「波路」的幻覺，「一除埋bra你以為照緊鏡都唔出奇」。他續指游水的話著泳衣則難呃得多。不過有網民就反駁指泳衣一樣能夠谷同墊，他就回應指：「會明顯好多」。
3.睇活潑程度
該名連登仔再指如果當你約一名女性去游水時，對方拒絕的話大多數是因為怕素顏見人或者展露出較平凡的身材。而仲有一個原因便是該名女性較為懶惰，不愛做運動。仲指呢類女性通常在日後都會容易慢慢變肥。
網民持反對意見
不過有唔少網民都似是不太認同呢位連登仔的講法，直指就算落水都能夠化「防水妝」，又或者用不同方法去谷到自己有身材，亦有網民直言：「佢肯同你去游先算」。有網民就認為「女人好古惑」，直言未去到同床共枕，都難以知道自己伴侶的「真面目」。
資料來源：連登
圖片來源：劇照
