迪士尼｜港女遊迪士尼不滿7歲女坐BB車 網上公審討拍結局神逆轉
廣告
迪士尼｜最近社交距離放寬，唔少人都出外放鬆一下，本地多個景點都迫滿晒人，主題公園亦唔例外，最近有網民於討論區發文，指一名年約7歲女童在香港迪士尼樂園，坐在嬰兒車被質疑，但此文一出樓主討拍不成，反被眾人指責，到底咩原因？
迪士尼｜港女遊迪士尼不滿7歲女坐BB車 網上公審討拍結局神逆轉
隨住社交距離措施放寬，香港迪士尼樂園亦再度對外開放，有大批家長帶同小朋友入園放鬆一下，一名港女在Facebook群組「巴打絲打「13親子育兒」Facebook Club」發文，並貼出兩張圖片，指責一名年約7歲女童坐在嬰兒車在香港迪士尼樂園，暗示這名女童都已經7歲，居然仲要坐嬰兒車，加上對方穿著粉紅色公主裙，認為對方嬌生慣養，因此上網想討拍一下。
迪士尼｜網上公審討拍結局神逆轉
但這兩張偷拍的照片討拍行為失敗，反被眾人指責：「7歲玩到累坐吓BB車唔得咩，大人玩到累行到累都會搵地方坐低飲杯野啦」、「人哋又冇影響到你，點解你要影人呢其實？」、「小朋友玩完攰好正常」、「坐戰機都唔關你事」、「關你咩事？又唔係你推，你理得人啫？」。
亦有媽媽分享個人心得，認為嬰兒車除了能讓小朋友休息之餘，大人亦可以休息一下不需手抱他們：「小朋友好難行足全日嘅，大人都攰啦」、「大人一陣半路眼瞓，又多野拎嘅時候，冇BB車真係想死」、「攰時都可以隨時比佢休息下，一陣間想訓都起碼唔洗抱」。
事後這名港女討拍不成，最終選擇「潛水」，事情亦再無後續情況，大家又認為此舉有沒有問題？
撰文：Odin圖片來源：pixabay官網圖片、巴打絲打「13親子育兒」Facebook Club截圖
