農場餐廳老闆涉刑事毀壞記者手機被補 網民一面倒撐老細：欺善怕惡搏上位
廣告
早前被拍片指控「劣食」的農場餐廳，其出事後餐廳都一直成為話題人物，老闆在Facebook上分享的資訊也十分之有趣。不過老闆對於被指控「劣食」一事都一直耿耿於懷，而早前有獨立記者「崔銳蛋」在去試食餐廳時，遭到老闆襲擊，仲整爛埋部電話！
農場餐廳老闆涉刑事毀壞被補 網民一面倒撐老細！
近日，獨立記者「崔銳蛋」在YouTube上直播，其標題為「劣食大挑戰S2 Ep1農場餐廳復仇戰」，顧名思義就是前往農場餐廳挑戰食物。而崔銳蛋一路進食，就一路在轟其食物的味道，包括「苦嘅個汁」，「有陣燒膠臭味」等等，無一不是狂踩農場餐廳的食物。
不憤被拍片 出手向記者施襲
之後記者再次反現場，當他想坐下時，老闆陳興濤立即在廚房行出來並指：「我唔做你生意，你走啦！」。之後老闆繼續嬲爆，行出門口並對著記者指「你呢啲禽獸嚟嘅！」，「你再停留多一步我報警」。之後記者就指「又係你話有問題落嚟搵你」，又指老闆不吸取意見，「啲汁臭你又唔聽」。老闆去到呢個位終於爆發，直接衝出來對向記者並怒罵「你唔好拍嘢！」，然後更向記者施襲，一手將記者電話拍落地。
老闆涉刑事毀壞被捕
事後警察到場後，老闆陳興濤涉刑事毀壞被捕，之後四小時後獲準保釋離開警署。而記者的手機亦因為被老闆拍甩的原故，已經損壞。老闆在事後都在Facebook上連出3post寫道：「請YT滾出香港！喪德敗行！」。老闆被問到「又忍唔住刑事毁壞點搞」，他則回應指是因為對方拍攝自己太太的影片，所以「男兒天職保家眷」去保護自己妻子。
網民力撐老闆冇錯！
不過對於是次記者的舉動以及老闆的做法，有不少網民都撐老細，並指：「佢自己出錢出力做生意，又唔係搶唔係呃，唔好食咪過主，百貨應百客。」，「欺善怕惡搏上位」，「撩是鬥非，欺凌別人幫自己上位。」，「咪搞人啦….難食還難食，不過人地有咁嘅毅力不斷再接再厲搞餐廳就由佢啦。」，唔少網民都欣賞老闆的毅力，並覺得是次記者的做法是擺明撩起鬥爭。不過都有網民認為老闆就算點嬲，都不應該出手施襲，出手只會令自己處於下風。
