西客打10分鐘158次電話叫譚仔外賣不果 發老脾擺上網公審遭圍剿

西客打10分鐘158次電話叫譚仔外賣不果 發老脾擺上網公審遭圍剿

近日有一位港女在「馬鞍山之友2.0」的群組公審當區的譚仔，當中提及自己打了百幾次電話，持續時間10幾分鐘，到最後都係打唔通電話落order，而要動身去現場買外賣。

港女：我就係知佢得一條線，所以珍惜每分每秒！

該名港女就直指「我唔知你哋咩心態！而我心態係我老公揸車返嚟之前我打定電話，然後老公去攞就啱啱好。」，她又指位於馬鞍山的譚仔三哥經常七點左右就打不通，因為不知道有外賣App，所以唯有打電話。最後又指：「我就係知佢得一條線，所以珍惜每分每秒唔想第二個人入咗線否則我有可能要再打多15分鐘！」。

港女呼籲「馬友」留口德

該帖文一張都引來網民圍攻，認為港女的行為過份激烈，當中港女就著該點就補充指：「我想講我已經好克制！如果你哋真係馬友！唔該留返啲口德！特別係管理員，估唔到有人會咁講嘢！」，最後就指不明白自己影響了誰。

網民：有病去睇醫生！

其post最後被刪去，不過都有網民有留底，直指：「叫碗麵10幾分鐘喪打158次電話去譚仔，精神病嘅就唔該去睇醫生！」，有網民更用數學天才王梓軒的計法去計：「18:34 內打左10次，平均6秒唔夠就收線再打，似係玩打話多啲。」

又係譚仔三哥宣傳手法？！

不過有唔少網民覺得事件有很多不合理之處，繼昨日（27日）大埔上演的WWE現場被揭盅是譚仔三哥宣傳新湯底「煳椒肉骨湯米線」後，有網民覺得該post都係為宣傳新湯底或會大賣，所以用該post去呼籲食客叫外賣都係用App穩陣。