街頭MMA丨中佬7仔店內隻揪互鬧：你口水吐到我啊！（有片）

街頭MMA丨早幾日有一對街頭情侶上演MMA情節，男方一手將手女方推倒在地，然後女方又狂摑男方。點知男方突然使出「一言不合就攬攬」，攬足3次終於冇事，想重溫請按此。而近日亦有一單在街頭MMA的事件被曝光，兩人精彩的對決亦引起網民熱議。

街頭MMA丨中佬7仔店內隻揪互鬧：你口水吐到我啊！

近日有一名黑人將一段街頭MMA影片上載到Facebook並引起熱議，畫面中可見一名身穿粉紅色衫的男人與白衣男在7仔內起口角，白衣男先是抄起消毒洗手液樽向粉紅男襲去，7仔阿姐手持Scanner行埋去想阻止MMA繼續上演。兩位男士都開始發生口角，白衫男先開口：「我xxxx扯x爛晒我啲袋」，粉紅男又回道：「你扯x爛我！」，之後白衣男又指是因為對方吐口水，但粉紅男隨即指：「係你口水吐到我啊大哥！」。

帶入地面發動Take down

口角不夠10秒，白衣男先發制人一巴打埋去，點知呢個時候粉紅男用Take down，徑直捱住拳向白衣男衝去，並用體重去壓制白衣男。轉到地面壓制白衣男完全郁唔到亦解唔到，而相信係白衣男的另一位朋友加入戰場，幫拖用「爛咗嘅袋」個一條肩帶不斷向粉紅男鞭打，但感覺上攻擊力係零。

街頭MMA 發動take down — 發動take down（圖片來源：影片截圖）

黑人和事佬出現

而一路被壓制的白衣男無還擊之力，唯有不斷用言語去問候粉紅男，並要求報警。呢個時候拍片的黑人化身裁判，都知道白衣男已經被TKO無法還擊，所以行埋去講句「Police is coming」，並叫兩人停手，拉開粉紅男並分開兩人。而呢個時候兩人都繼續對罵，直言「嘩爆晒缸！」，「我要攞返啲財物」，而影片最後在兩人的口角中亦結束。

街頭MMA 白初教練團再增添戰友 — 白初教練團再增添戰友（圖片來源：影片截圖）

網民：俾唐仔秒X左

影片在網上爆紅，有人認定粉紅色衫的男子是患有唐氏綜合症，而將白色衫淨係識出口術的中佬定義為「MK中佬」，有網民直言「俾唐仔秒X左，廢到」，「個高佬得把聲，唐氏都打唔贏」。而亦有網民爆轟拍片的黑人，認為這種場面不應該做和事佬，應該讓MMA打落去直到出現一方KO。亦有網民分析指兩人鎊數差得遠，只要Take down到地面的話，MK中佬是難以再勝出。