無良蛇頭拖糧兼恐嚇 設專門群組公開員工資料
廣告
香港地，有唔少剛畢業的職場新鮮人或是學生都會選擇去從事炒散，即以散工形式從事不同岡位，換取不同價值的薪酬。不過一個蛇頭好唔好，就真係唔係咁易睇得出啦！
無良蛇頭拖糧兼恐嚇 設專門群組公開員工資料
近日有網民於討論區上分享關於自己遇著無良炒散蛇頭的經歷，在連登以「大家有冇遇過呢類咁X賤格嘅炒散蛇頭？」為題，事主指自己在一間酒店返炒散，不過就遭蛇頭拖糧半個月，瘋狂追數都沒有下文，之後更是無理地要求事主在特定時間上班。事主決心唔理會，點知對方直接用粗口問候，超級之惡，更要脅事主將會「永不錄用」。
公開涉事者私隱
之後事主的個人資料及身分證更是被放在其他群組大肆宣傳，試圖去公開事主私隱並將其人格謀殺。該群組更有不同炒散蛇頭存在，而涉事蛇頭更是製作了一份「飛機友名單」，當中包括了不同員工的個人資料。
私下騷擾女同事
更有其他網民爆料，指該位涉事蛇頭除了會公審員工及拖糧外，更會多次騷擾不同女員工，直接以私人電話向女員工求愛，更因為最後追唔到女仔將其「Cut更」，令對方連工都冇得返。
無良蛇頭現身說法
事件亦被《東張西望》報導，當中除了有涉事的員工現身說法外，蛇頭亦有上《東張西望》表達自己的睇法，當中提及自己「冤枉」，並表示只是前員工單方面將公司內部群組的資料對外公開。當中他承認自己有用粗口鬧人，但就絕對沒有拖糧，當中指出糧是由酒店方面安排，只是涉事員工不知道「糧期」，而自己燥底也是因為「冇覺好瞓」。
公審個人資料唔覺有問題？
蛇頭又指自己因為事件而搞到連「屋企都唔敢返」，只敢在賓館暫住並過著「驚惶嘅生活」。而他表示將個人資料公審的群組屬私人群組，所以對此認為並沒有什麼大問題。
即睇良哥仔講乜！
