幫「短裙Intern」換水 遭老細「黑面再Bang門」？！ 網民反應兩極
廣告
辦公室換水確實是一種學問，當中包含人與人之間不少心理互相角力。例如可能會有「換水應由男同事做」、「男同事覺得唔係奉旨去做」、「粗重工夫應該由Junior去做」，涉及到男女平等、權力層級、人格判斷、人事關係等，總之就是「煩」⋯⋯近日就有網民指，公司老闆突然要求一位女實習生去換水，但同時有男同事閒暇玩手機，當時女實習生「著牛仔短裙」，事主見狀不忍出手幫助，就稱：「你著短裙搬搬抬抬唔方便，我今日著長褲幫你啦」。及後上司的臉「黑過鑊撈」，更大力「bang門」入房。事主言：「我係咪可以離職喇」。網民對遭遇反應兩極，對老闆的視角有不同闡釋，有人就猜測其實是上司要intern「學嘢」，由低做起。有人就質疑上司想「玩個intern」，甚至是「起邪念」。
短裙唔方便 老細「起邪念」？
有網民就猜想，老闆見到女實習生穿短裙，吩咐去換水是「玩嘢」，且有幾個可能性。例如本來女實習生就已經得罪老闆，抑或老闆「起邪念」，借故要求intern 蹲下搬水，藉走光「睇嘢」。其後被事主打破計劃，惹怒老細。
新人入職場「乜都要學」
有網民就為老闆抱不平，認為職場中男女同工同酬，認為事主不應該先入為主，不理解為何「一定要點個男同事優先去做搬嘢先？」而且「著短裙」是Intern的選擇，公司聘請的見的又不是「選美做花瓶」，反問若然每日著裙，以後就不用搬水？
更進一步的是，網民認為「換水是一種職場體驗」，就如最基本Printer 操作都要學，「搞唔掂就返屋企做公主」。故網民形容事主當下是「落老細面」及「串到老細」，令上司未能「教導」實習生。事情真相，不得而知，或許只有老闆知道。
原文：
圖片來源：《無法成為野獸的我們》劇照、ViuTV《大叔的愛》劇照、TVB《愛回家之開心速遞》劇照、Dcard 討論區截圖
