【真船佳奈】恥力100%！日本女漫畫家奇招預防老公出軌偷食
廣告
【真船佳奈】佛經會提到人有108個苦惱，雖然小編我並無宗教信仰，不過係認同人生係充滿住煩惱，細個又要擔心學業，大個又要擔心工作，單身時擔心孤獨，拍拖結婚之後又會擔心另一半出軌。不論男女其實都會有擔心另一半出軌偷食嘅時候，搞盡腦汁到底點阻止好呢？日本最近有位漫畫家，喺Twitter分享奇招去預防老公出軌！
撰文：馬高斯 ｜圖片來源：真船佳奈@テレ東の漫画家｜編輯：海月
【真船佳奈】日本女漫畫家用一奇招防老公出軌偷食
呢位日本漫畫家「真船佳奈」，平時會喺Twitter用漫畫形式分享日常生活趣事，最近佢突然奇想，驚老公出軌點算好，於是就諗出一條防老公出軌偷食嘅大法！決定將自己個樣印落孖煙通度，再送畀老公要佢日日著，可以宣示作為老婆嘅主權之外，假如老公真係出軌，上到床一除褲就嚇怕小三！
當佳奈揀好款式落埋單之後，又因為遲遲未到貨，搞到佳奈既擔心又有啲嬲嬲豬，好彩最後成功收到貨，仲趕得切12月送畀老公仔！
最搞笑係對住呢條有少少過度密集嘅特製孖煙通，手機嘅面部認證竟然有反應！！！真係著個個又要有勇氣，設計個個都好有勇氣！
