老人截的被拒 的士佬再被公審 今次的士佬大獲全勝？
廣告
各位渣車相信都一定會整返個車CAM，而有時可能會影到啲意想唔到嘅野。就例如今次，有位男士分享自己車CAM上Facebook，就影到一位年紀老邁又行動不便嘅伯伯係馬路中心截的士，而不只一架的士拒載。
老人截的無助
影片事發經過就係車cam主人影到一位行動不便老人家拉住架車仔就係馬路燈位直接拉開架等緊燈嘅的士車，就想上車，而司機睇落就似叫走嗰老人家，應該就表示唔接載。後來老人就企喺馬路中心似乎想求助，之後過咗一陣就有位好心人仕疑似憬片主就出手幫助老人家，協助佢搵的士。但後黎都再有的士拒載，最後要再截多一㗎先上到的士。
網上反應兩極
片段首先喺Youtube上發佈，標題「車CAM直擊 – (好人好事) 老伯企路中心截的士被拒載 好心司機落車幫手」。留言雖然都指好心司機好人有好報，「有善良之心」，矛頭指向的士司機十分無情拒載，指「司機欺負老伯一定有報應㗎」、「的士拒載非常嚴重，加價後更加唔想搭」，後來亦有人share上Facebook指「的士佬不是沒有討厭你哋的理由」為題就指的士佬拒載不人情，但係Facebook就有啲唔同，較多偏向的士佬嘅留言，就覺得的士佬哩個情況拒載係合理，係燈位接客只會造成麻煩，而且更是「二線」，接咗都一樣會被公審，更有人有經驗︰「 俾後面d車呠到暈，仲驚後面架車send 片去交通部督灰，香港係好人難做」，得不常失。更認為老人家不應在馬路中心截的士，「拒載係一件事，路中心都係一件事」。大家又點睇？
圖片來源：TVB 降魔的, 愛回家 劇照,Youtube@車CAM特警2號
