【百大型男】C朗先排100，美國隊長10大不入 最靚仔竟然係佢！「全球百大型男」結果出爐！

撰文：馬高斯 ｜圖片來源：TC Candler｜編輯：海月

【百大型男】C朗先排100，美國隊長10大不入 最靚仔竟然係佢！「全球百大型男」結果出爐！

第100位 Cristiano Ronaldo

平時通常叫開「C朗拿度」、「C朗」嘅足球員Cristiano Ronaldo成功達陣第100位，現年35歲嘅「C朗」18歲加盟曼聯，2008年亦當選年度世界足球先生。

第98位 Keanu Charles Reeves

奇洛李維斯今年排第98位，最出名當然係「你殺我隻狗，我殺你全家」《殺神》電影系列男主角。

第89位 Daniel Radcliffe

由飾演「去去武器走」哈利波特嘅英國男演員丹尼爾·雷德克里夫排第89位，《哈利波特》電影拍足10年，由毛都未生齊嘅細粒丁睇到變留鬚型男，都真係幾感觸。

第84位 Dwayne Johnson

當提到肌肉型男，又點少得演過《生死時速》巨石強森！由WWE職業摔角巨星成為電影演員，難怪肌肉操得咁勁！嚟緊仲會演DC電影《沙贊！》超級反派《黑亞當》。

第79位 Chris Evans

迷倒唔少港女嘅《美國隊長》克里斯·伊凡今年排得第79位，《復仇者聯盟4：終局之戰》之後「美國隊長」就正式退休，幾期待佢之後演正義英雄以外的角色！

第38位 Chris Pine

最近大家會見到基斯派恩嘅電影就係評價兩極嘅《神奇女俠1984》，希望戲院快啲解封入場睇！

第26位 David Beckham

邊個係碧咸，我諗都唔使我多講（笑）已退役英格蘭足球員，亦係前英格蘭足球代表隊隊長，1999年同2001年兩屆嘅世界足球先生亞軍。

第10位 Paing Takhon

呢位叫Paing Takhon係緬甸男模，留住一頭長長秀髮，仲有型爆紋身同六嚿腹肌，被網民封為「亞洲水行俠」。

第9位 Timothée Chalamet

2017年憑住《以你的名字呼喚我》獲得奧斯卡金像獎最佳男主角獎嘅提名，2018年《美麗男孩》飾演毒癮少年獲得英國電影學院獎最佳男配角獎嘅提名。最近見過佢嘅電影係《小婦人》。

第8位 Jason Momoa

傑森·摩莫亞曾經演過《水行俠》同《權力遊戲》，佢喺青少年時期成為墨西哥灣史上最年輕救生員，又修讀海洋生物學系又識衝浪，戲裡戲外都係真正嘅水行俠！

第7位 Xiao Zhan

肖戰係中國重慶男歌手兼演員，喺2016年以中國男子歌唱團體X玖少年團成員身份正式出道，2019年憑住主演電視劇《陳情令》獲得廣泛關注。

第6位 Jason Derulo

傑森·德勞萊奧係一位名美國歌手兼作詞作曲兼演員，再兼舞者，可謂多才多藝，2009年5月發行嘅出道單曲《Whatcha Say》，下載量超過200萬次，獲得RIAA雙白金認證，喺美國等多個國家明列榜首。

第5位 Henry Cavill

亨利·卡維爾曾演過《超人：鋼鐵英雄》、《蝙蝠俠對超人：正義曙光》，佢嘅「超人形象」深入民心，另外《獵魔士》同樣精彩，嚟緊第2季預定今年推出，未睇第1季可以去Netflix睇返！

第4位 Jungkook

韓國男歌手田柾國，Jung Kook係佢嘅藝名，係韓國男子團體防彈少年中年紀最細嘅的成員。

第3位 Chris Hemsworth

「雷神」克里斯·漢斯沃入到頭3位可謂實至名歸！2010年結婚嘅佢，而家有3個仔女，喺2019年為咗陪屋企人而淡出演藝圈。成日喺佢IG見到帶住屋企人四圍去玩，又為仔女整蛋糕，除咗係超級英雄，仲係超級廿四孝嗲哋。

第2位 金泰亨

第2位由韓星金泰亨奪得，佢係韓國男子團體「防彈少年團」的成員，擔任副唱，2016年憑住出演KBS電視劇《花郎》正式作為演員出道。做到全球百大靚仔嘅季軍，果然韓國oppa可以再戰好幾個十年！

第1位 Felix Arvid Ulf Kjellberg

至於今年「全球百大靚仔」第1位係Felix Arvid Ulf Kjellberg，上年排第二嘅佢今年晉升第一。香港人可能唔太認識佢，佢係瑞典YouTuber「PewDiePie」，拍攝打機、網路迷因等等嘅影片。佢嘅YouTube頻道喺2013年成為YouTube上訂閱人數最多嘅頻道。仲係2019年成為第一位個人頻道破億訂閱的YouTuber！

美國網站「TC Candler」百大型男：