台灣父女打賭 爸爸獻計只要用一句話即可試出女兒男友諗法 網友：只有男人懂男人

爸爸一句話 幫寶貝囡擊退賤男

台灣有位網民Post咗自己同囡囡嘅對話截圖，一開始爸爸就問：「妳爸以前接妳上下課，妳怎麼就不會說：老娘以後不嫁了，服侍老爸一輩子？」好多爸爸可能都會唔捨得自己個囡囡咁快大。

囡囡睇完爸爸嘅訊息，就炫耀自己今日會同男朋友去睇戲、睇夜景約會。爸爸一知道後，就覺得呢件事唔對路，有蠱惑！所以爸爸同囡囡打賭，妳只要講多一句說話，就知道佢係想同妳齋睇夜景，定有其他念頭。究竟係邊一句咒語咁堅？

Send畀男仔：「我今天那個來，肚子有點悶悶的」

爸爸話，只要跟男朋友講一句說話「我今天那個來，肚子有點悶悶的」，今天約會就冇㗎啦，下次再玩啦。囡囡真係同咗男朋友講，結果男朋友話「明天要交報告，改天再看電影」。哇！一句話自己M到，竟然破壞咗個約會。

網民：只有男人懂男人

對此，有網友說，「完全抓準男人的心」、「只能說，還是男人懂男人！」但也有人認為，「說不定是擔心女生身體不舒服啊」、「老爸太年輕了，照去不誤好嗎？年輕人愛闖紅燈啊」、「男生體貼女方不適，也要被當成色⋯⋯」，「爸爸：要不是我當年帶妳媽去看電影，也不會有今天的妳」。

唔知大家點睇，但爸爸都係關心囡囡畀人呃啫。