澳牛哥哥其實「佬中帶柔」超有人情味！？

澳洲牛奶公司（簡稱：澳牛）在香港一直舉世聞名，店內侍應的態度一直都好似都市傳說咁，有人話啲哥仔態度惡劣，有人則認為哥仔的態度其實不算差。不過澳牛絕對是遊學必去的清單之一。

澳牛哥哥其實「佬中帶柔」超有人情味！？

近日有網民於「香港茶餐廳及美食關注組」分享在澳牛食飯的經歷，事主指自己去到食早餐時，突然：「到埋單嗰下先發現銀包唔夠錢，搵勻全身都係得一張$10紙同幾個神沙，夾埋仲要唔夠廿蚊」。此時事主已經有啲唔知點算，直言：「死啦，點算，唔通今次要挑戰澳牛底線，雖然澳牛哥哥平時好細心，但食完嘢無錢畀就唔係咁計」。

仁慈態度獲讚

事主唯有最後硬著頭皮去收銀打算埋單，面對只收現金的渙牛都問了一句：「有無PayMe？」，當事主已經做好捱罵的準備後，再補多句「唔好意思」，但話口未完收銀姐姐突然話：「得啦，去撳機啦」。事主當堂表示「澳牛真係好有人情味，仲要無叫我留低任何貴重物品做保證，完全係講個信字」。

網民：劇本寫好啲得唔得

不過都有網民質疑事主的事跡只是吹水，有網民直言：「我感覺你是吹水，今時今日喺香港無現金都應該有八達通，還用什麼pay me，你當我們全部都是儍的？簡直是吹水唔抹咀」，亦有網民笑事主：「劇本寫好啲得唔得」。不過都有網民幫事主平反：「你真係唔識㗎喎，一間食肆收現金，好出奇？開左幾10年，從來都係收現金，你自己冇去就話人吹水」、「唔止澳牛，我樓下茶餐廳都係只收現金喎」、「好多都仲係只收現金唔收其他，新景園係其中一間」。

大陸客銳活後態度大變？

有網民則為澳牛哥哥平反，指出其實在沒有大陸客後，其態度與以往已經大相徑庭，由本身粗聲粗氣的麻甩佬變得「佬中帶柔」，有了鐵漢柔情的一面，更指他們對老人家、孕婦、小朋友特別好，「見你拎住一袋二袋都會搬張櫈仔畀你放嘢」。不過都有網民指出澳牛哥哥「大細超」，對女生特別好，如果係男生：「你試吓一個麻甩佬一袋二袋拎嘢入去坐，睇吓會唔會畀位你放嘢」、「嚟緊開返關多返遊客，大家又準備受死，好好享受暴風雨嘅前夕」。