港男港女｜跟異性來往過密女友感不滿開2項條件 港男氹到好攰：有需要避忌到咁？

港男港女｜港男氹到好攰：有需要避忌到咁？

呢位港男樓主表示早前同呢位女性朋友出街，事前未有通知女友，後來被女友發現手機內有幾張兩人合照，發現兩人曾單獨出街引發不滿，因為事前已有先例，女友知道港男對女性朋友有好感，更曾於車內獨處傾計一段時間。

港男樓主表示女友唔俾佢設女性朋友做IG「Close Friends」及出席有女性朋友在內的朋友聚會，港男表示由於兩人有不少共用朋友見面難免，更有機會約朋友到家裡開party時，會約埋女性朋友，故要求女友通融一下。

港男港女｜跟異性來往過密女友感不滿開2項條件

女友本身堅持，經溝通後決定妥協並作出讓步，但定下兩個條件：1.12點前要結束，2.兩人不能單獨在車內及坐在隔離，港男得悉後感為難，認為開party好難12點前結束，認為此舉會掃大家興，更直言：「次次約親都氹足佢兩三日」、「太早玩完真係好掃興，其實係咪真係需要咁樣避忌？」，更曾因為想玩夜啲嘈到分手：「話想玩夜啲都要分手咁，真係氹唔到佢」、「對住女朋友開始好攰好辛苦，想佢體諒我多啲唔想成日都要氹。」

港男港女｜網友反撐女友無問題 認為女性朋友有機心

更指女性朋友在上年聖誕節得悉港男會帶女友出席，立即就表示唔join，甚至因為知道女友唔鍾意佢而開始憎恨，而網友就覺得女性朋友好有機心，一聽到女友出席就扮弱者：「扮晒弱者受害人咁」，又直指樓主完全唔尊重女友：「戥你女朋友慘！」網友認為女友要求完全唔過分，知道樓主唔想掃朋友興選擇妥協，反而樓主只會嫌女友要氹佢好辛苦，毫不為女友著想，甚至有網民叫港男嘗試代入，女友瞞住佢同曾經有好感嘅男生單獨出街會有咩感受，港男選擇迴避問題。