港媽責怪司機遲到 拒付車費轟：你唔係應該道歉咩？

港媽責怪司機遲到 拒付車費轟：你唔係應該道歉咩？

近日一條車Cam影片在網上流傳，影片一開始一名港媽怒氣沖沖地帶著女兒上的士，第一句就態度不佳地說：「師傅你遲咗好多喎」。司機聞言即反問：「咁你仲要唔要啊？」，港媽則不滿地回應：「咁我都上咗車啦」，續指：「咁你講個時間係咩嚟呢？你又話6、7分鐘？」。

司機反擊再開火

司機開車後再次反擊，直言：「嗱，小姐，我唔係要俾你教訓嘅，如果你認為有問題，你投訴，但係我唔係俾你鬧，我唔係你嘅細路。咁我問多你一次，你要唔要車？」，港媽再回應指：「你而家拖咗我咁耐時間，我點解唔要呢？」，司機於是再問港媽到底鬧乜，對方再指「我第一下係鬧咩？我話你遲好耐！」之後港媽再要求司機道歉：「你唔係應該同我道歉咩，你遲到！」

司機叫報警 港媽即縮沙

其後司機再反問：「我點解要同你道歉啊，咁如果我唔同你道歉咁點啊？係咪報警啊？」，港媽聞言立即叫司機停車「一係你而家停車，俾我落車呢度」，司機停車後問道：「你係咪要喺度落車？得，27蚊！」，港媽聽到之後大叫一句「唔得！」，之後司機都不再忍地說道：「唔得啊嘛，報警啊！」。港媽聽到後再縮沙，並叫司機接照原定路線行，於是司機再補充：「同我玩？自己諗下邊個鬧人先啦，遲唔係特登玩你嘅，我夠想快啦，你自己心情唔好搵人發洩。」

網民意見兩極

影片都引來兩極反應，有人大讚司機的行為做得好，直言「「的士大佬識玩」、「好一場辯論比賽，口才、智慧並重，不愧見慣大場面的師傅」、「即時收檔」、「call車有遲有早都好正常喎，叫佢包車全日淨係做佢一台客咪100%準時囉」、「有時交通情況等幾支燈都6至7分鐘，司機一關門就開車，唔覺得司機會特登遲」；不過都有網民認為司機態度惡劣「如果真係遲得多，講句塞車唔好意思咪算囉，得勢不饒人先放片上嚟都唔遲」、「咁嘅性格，遲早出事，小小事就辣着，服務性行業摧毁者」、「刁婦鬥流氓」、「掉返轉頭如果乘客遲，唔知個司機會點？」。

即睇片！