港女老婆玩交友App引過400個男人埋身 其中1個傾5分鐘即俾$50蚊！
廣告
科技發達的社會下，要去認識新朋友已經不再局限於現實世界，由網絡途徑去認識新朋友甚至是另一半已經是普遍現象。近日就有一名港男於討論區大呻，當中提及自己同老婆兩個人玩交友App的分別，真係男女大不同！
港女老婆玩交友App引過400個男人埋身 其中1個傾5分鐘即俾$50蚊！
一名港男近日於連登討論區以「根本男人就唔應該結婚拍拖」為題開post，當中提及因為同老婆因為小小事而鬧交，對方在一氣之下決定下載交友app，而在應用程式中事主老婆打了一句：「老公鬧我 求安慰」，旋即引起交友App上男性的注意。
老婆用App勁吸仔仔埋身！
事主稱老婆在短短下載App的一日之內便收到逾400名男性的對話邀請，當中更有十分多男性想以「請飲嘢同食嘢」之名去試圖約事主老婆外出，當中更有男性誇張到只是傾了5分鐘偈就payme了$50給事主老婆，以此去作「安慰金」。
自己用App冇人Show
事主在之後都有下載同款交友app，不過在用了一整日之下都只有3個Match，當中有一個在聊天過程中就已經離開，其餘兩個就只是用單字Hea覆。
事主嘆：原來自己咁卑微
事後事主都指自己已經同老婆和好，直言：「但我第一次感受到原來自己咁卑微，隨時可以俾人取代。」又稱自己妻子大把market「老婆只要一嬲嗌離婚，佢都有大把人等住，我就輸曬成副身家再俾幾百條仔派綠帽。」，之後更係忍唔住問網民「離唔離婚好，好糾結」。
港女生存＝Easy Mode
其話題都引起網民討論，有網民就認為事主自卑過頭，事主亦補充指「我一直以為自己好有用，因為工作人工都算唔錯，原來我咁辛苦讀書做野，都係一文不值，女人開個app就取代到」；亦有網民認為事主認法，認為港女在香港生活是「Easy Mode」，直指只要是正常人，就已經有大把market。
網民勸事主及早離婚
對於事主老婆用交友App一事，唔少網民都勸離婚，認為事主老婆能夠當面下載交友App仲俾老公知道，已經算得上是出軌，並直言「一次不忠百次不容！」，建議事主及早離婚。
圖片來源：劇照
