港夫婦月入$8萬養一家四口月月清 太太開支勁神秘！？
廣告
香港地要生活實屬不易，要買起一層樓再結婚生仔同養小朋友，壓力往往都是在一家之主的身上。一對港夫婦月入達$8萬，但需要養一家四口，最後都淪落到月月清的狀態。老公就大呻原因都是出自太太的身上！
港夫婦月入$8萬養一家四口月月清 太太開支大到離晒譜！？
一名港男早前在討論區上出文，其帖文寫道：「兩公婆搵8萬，但月月清，無儲備，正常嗎？」，提及自己一家四口，包括夫婦、一個Bb及一個工人。內文中提及自己每月搵$4.3萬元，給予太太$1.5萬元家用，$6,000元則俾家人，$4,000元找銀行借貸，每個星期六日家中的開支約為$5,000，自己的支出則為$1萬元，剩餘的留來交稅。
港男詳細開支一覽
當中$1.5萬家用中，包括工人姐姐薪水$5,000，水電煤$2,000，租金$3,000（親戚地方所以平租），還有$5,000買嬰兒用品，包括奶粉、尿片、屋企食物、日用品等等，如費用原足則由老婆負責。另外老婆月入$3.8萬人工，當中每月$2,000為Bb買儲蓄保險，其他使費則不知所蹤：「其他無權過問老婆如何使費，所以唔知使費詳情，只知老婆都係月月清」。
太太冇錢俾Bb讀書費？
港男再補充指，BB因為要讀N班，但太太卻表示「冇錢俾」，最終無奈地由他負責每月約$3,000元的學費，不禁都問網民：「呢頭家健康嗎？」
老婆開支有古怪
帖文一出都引起網民熱議，不少人都認為事主的家庭經濟狀況不健康，特別是太太的開支去向有古怪，令人起疑，「1份糧4個人使，你話呢」、「呢個家你老婆無份，佢啲錢到底去咗邊，祝你好運」、「老婆貼仔？帽事？」、「你老婆中左網上情緣，借錢俾人創業」。
網民直言事主使費誇張
亦有人認為事主的個人支出十分誇張，「你嘅支出極不正常，建議你份loan（貸款）盡快還清，自己的使費減一半」。不過有網民則認為現時物價高昂，做「月光族」並非罕見，「好正常，你算係用得實際，物價太貴啦，生活唔到」，亦有人稱「收入高使費就高」。
圖片來源：劇照
