日本公園|玩到隨時有童年陰影!千奇百趣設施隨時玩到變絕子絕孫
廣告
日本公園|細個經常會去公園玩,不過來來去去都係嗰啲嘢,相信大家都覺得冇咩特別,早前日本節目分享各種千奇百趣公園設施,又靚又多花款真係好葡萄日本小朋友,但除咗好玩之餘,隨時會令你玩到有童年陰影,一個唔小心甚至絕子絕孫,咁恐怖?一齊睇睇!
日本公園|玩到隨時有童年陰影!千奇百趣設施隨時玩到變絕子絕孫
日本公園呢條香蕉型滑梯,被日本網民稱為「破壞香蕉專用嘅香蕉」,因為香蕉滑梯採用一開三嘅設計,睇返滑梯上嘅教學說明,係畀6至12歲小朋友可以自行選擇瀡落其中一個出口,大大增加樂趣!不過唔少網民就覺得係好心做壞事,設計中存有問題,如果小朋友瀡嗰陣係張開隻腳,分分鐘會撞中下面,搞到小朋友細細個就要經歷「男人最痛」。
![隨時玩到絕子絕孫!日本公園的千奇百趣](https://imgs.nmplus.hk/wp-content/uploads/2021/02/euvja-qucaydv1x_10804639886039edfeab3aa-768x1024.jpg)
千奇百趣又點止香蕉滑梯,來自中國嘅熊貓,懶洋洋又肥得嚟可愛,一直深受日本人愛戴,喺日本各地公園會搵到好多相關嘅玩樂設施,不過外觀就比較詭異,甚至令人不安!
日本公園:熊貓公園設施
過去日本綜藝節目《周一開始熬夜(月曜から夜ふかし)》就介紹咗大分市北下郡公園嘅一座奇怪熊貓雕像,相片一公開小編我都睇到O晒咀,呢隻嘢你同我講係熊貓?!正所謂有奶便是娘,唔通有黑眼圈就一定係熊貓?!
![隨時玩到絕子絕孫!日本公園的千奇百趣](https://imgs.nmplus.hk/wp-content/uploads/2021/02/dhru70qu0aapq7d_13078945486039edfa34126.jpg)
日本公園:超危險公園設施
剛才介紹嘅香蕉型滑梯,都叫做只係破壞蛋蛋,又未有生命危險,不過以下介紹嘅設施真係玩命咁玩!話說千葉縣有一個清水公園,園入面有個水上樂園,當中嘅水上吊橋、水上泰山,仲有喺水面跑嘅設施,難度又高,隨時都會跳落水,畀小朋友玩真係幾危險!
![隨時玩到絕子絕孫!日本公園的千奇百趣](https://imgs.nmplus.hk/wp-content/uploads/2021/02/main_16662794966039ee025bb8b.jpg)
跟住我哋飛去栃木縣,喺新栃木站前有一個細細嘅公園,遠望好似正正常常,行近啲一睇,嘩!個滑梯同前面牆壁距離超近,瀡落去嘅衝力撞埋牆度,唔好話小朋友,大人都好傷!
![隨時玩到絕子絕孫!日本公園的千奇百趣](https://imgs.nmplus.hk/wp-content/uploads/2021/02/_11773016776039ee05121da.jpg)
撰文:馬高斯圖片來源:すみれもの日記