而家已經無咗放閃文化？ facebook「交往中」已成歷史

「時下啲人好識玩，社交媒體從來唔會放伴侶嘅相」

網民於討論區發起咗一個「時下啲人好識玩，社交媒體從來唔會放伴侶嘅相」的討論，認為而家啲後生仔無以前咁天真，唔會好似以前啲人咁成日喺facebook、ig放閃，基本上唔會公開俾人知原來拍緊拖。所以基於唔會放閃，唔多熟人知的情況下，就算散咗都係無人知，唔駛del 相、unfollow、唔會俾人咁快換畫等等，可以好快手轉下一個，形容簡直係「方便快捷」！唔少網民都認同呢個講法「試過分手完都無人知」「真係有心扮單身，日日flirt人x叫自己單身冇仔冇女好慘，有人追自己 埋身 全部都受 一路拖住，轉個頭又同人/伴侶講，唉我都冇做乜 都唔知點解咁多人中意我，自己唔po嘢就扮x晒保護呢段感情，但又迫x伴侶po 話唔po就冇安全感，呢啲真係終極垃圾」「見過有女結左婚，成個Ig無老公跡象」「越放閃越快分。通常都係咁，見果啲每日都post，突然唔post，一定散左」有網民就認為有啲人唔放閃只係鍾意低調唔想煩「唔想閒雜人問長問短講是非，但身邊朋友多數係知」同埋雖然唔咁公開放閃，但係自我管制一定要做好之類。亦有網民話唔放閃都可以感情好好「ig唔係只得frd會follow，都有啲唔太熟嘅同學/同事，唔想俾人八咪唔po，識得有個frd同佢條仔係簡介度互tag但係從來都少story或甚至唔po野放閃，感情勁好」

原文如下：

facebook感情狀況已成為集體回億？

相信唔少人都有用過facebook其中一個功能就係「感情狀況」，裡面有得揀單身、穩定交往中、已訂婚、已婚等選項，同另一伴一齊較呢個關係都係放閃的其中一種。不過時代變遷，已經愈來愈少人使用呢個功能，甚至00後已經好少用facebook，呢種樣雖然風靡一時，但現今又已成為其中一樣集體回億。