港女常見中伏式拍拖：男朋友掛住打機唔理人
廣告
今時今日電子類遊戲已經成為日常娛樂活動之一，尤其男士們更鍾意空閒時打吓機，熱血一番。所以網絡上一直流傳一句說話：小三係女人嘅天敵，遊戲機係女人嘅宿敵！相信大部分女士都經歷過拍拖後發現男朋友成日掛住打機唔理人，感覺就如天氣不似如期，大感中伏！
男友打機懶理女友送上門，港女發文呻寂寞
近日亦有一名港女於討論區上大吐苦水，發文投訴男朋友成日打機唔理人。文中提到女事主同男友皆為大學生，每星期女事主都會去男友住所，但男友經常掛住同朋友打機打到三更半夜唔理會佢，多次投訴不果，令女事主大感寂寞。發文一出除咗引來同類苦主，亦有網民鼓勵女事主和男友一齊打機，獨樂樂不如眾樂樂。當中有一位男網民以男仔角度留言「男仔版： 女朋友次次掛住行街shopping唔理我」勸諭女事主應將心比心，互相遷就。
同場加映，港男引文發表：「男仔有女仲要打機？」
該貼文發出不久，就有一位港男引用上述港女的發文發表咗疑問：「男仔有女仲要打機？」。男事主在表示自己只有單身時才會長時間打機。但有男網民就謂男事主應該屬於外向陽光類型，才會不好打機，更有不少男網民以「有XXX仲要XXX？」等留言揶揄男事主。
打敗「落水救邊個」，成常見世紀問題「打機定陪我？」
而原來呢類發文並唔罕見，早係好幾年前各大討論區上嘅情感台已經經常見到類似發文，而大多數發文者均為女事主，佢地主要投訴男朋友們選擇打機而不陪自己，一打機就如入左結界，經常不理身邊人，就算有美（女朋友）在伴都視若無睹。不少女網民直言因此而感到被冷落及不被重視。
關鍵詞
打機
圖片來源：Dcard討論區、高登討論區、LIHKG討論區、TVB《愛回家之開心速遞》、TVB《 C9特工》
