搭巴士會點揀坐單丁位? 港男自言「師奶阿叔磁石」 求教如何吸引靚女坐隔離 網友竟然話…!?

撰文：Yin｜圖片來源：香港討論區截圖、IG@kmbhongkong

香港好多人日日都要搭巴士，揀位和「被揀位」都是一門大學問。港男日前在討論區發文，以【[男人日常] 搭巴士你會點揀坐邊個隔離?】為題，向廣大網友求教。

建議樓主先檢視自己外型

不少網友建議樓主，應該先檢視自己的外觀，例如「你個樣太毒 女女唔揀你」、「如果你係肥佬，應該無人想坐你隔離」、「首先要聞下自己個身臭吾臭，呢個可能系原因」等等。

主動出擊？籲注意自己行為

有人就打趣說，建議樓主搭巴士時，與其等待靚女主動坐過來，倒不如自己主動出擊。

不過有不少網友提醒，樓主要注意自己言行，不要「眼甘甘」望實靚女，這樣會反過來嚇怕人。

有網友反而對靚女避之則吉

有網友則直言，自己搭巴士時反而不會選擇坐靚女隔離，亦不想靚女坐到自己旁邊，一來因為坐太近，其實看不見靚女；二來是「男女授受不親」，如果有不小心的身體觸碰，隨時可能被人當作非禮，就恐怕得不償失。

揀性別不如揀身型

有網友認為，搭巴士如果要花心思去想性別問題，其實睇身型更加重要，應該揀一些身型瘦削的人坐隔離，這樣會坐得更舒服。