尼格丨打工仔鬧爆天文台掛8號決定 又係同經濟有關？
廣告
尼格丨昨日（11月1日）強風尼格襲港，11月打風也成為了罕見的天文現象。而對於一眾打工仔來講，就是今次打風會唔會有機會掛8號波，天文台在早一日就預告會掛3號風球，而在晚間時分又指會於今日(2日)考慮改掛8號風球，不過最新消息卻是指在12點至2點期間先會考慮掛8號波。
尼格丨打工仔鬧爆天文台掛8號決定 又係同經濟有關？
天文台彈出彈入的性格相信大家都唔係第一次見識，上一次馬鞍襲港時，天文台於8月24日晚上19：25時發起「八號東北烈風或暴風信號」，之後於8月25日凌晨01：40改發「改發八號東南烈風或暴風信號」。本身就話八號波會維持「至少」到早上6點，不過突然在眾人的起身返工時段，突然出個「考慮9至11時改發三號風球」，令一眾打工仔都企咗喺度。最後天文台於早上09：20改發「三號強風信號」，令一眾以為會有「風假」的打工仔，徹底失望。
無奈返一陣又要逼車走
天文台今次個「考慮」同樣放在今日12點至2點，而對於平常人通常都是返9點或10點甚至更早，唔少打工仔都無奈地要先返公司，然後再眼白白等睇天文台會否在指定時段改掛8號波，再用超長時間同其他打工仔逼巴士逼地鐵再慢慢好似沙甸魚咁塞返屋企，來回加埋可能仲長過返工時段，實屬叫一眾打工仔都十分無奈。
再次加入「經濟考量」?
有唔少網民都深信今次天文台同樣加入「經濟考量」，因為今日碰巧是香港籌備的國際金融領袖投資峰會兩日論壇，網民就認為今次仲未掛8號波就是希望峰會能順利進行，而不被風球影響，一眾Banker都能夠順利進場，到整個峰會咁上下之後，就再掛返個8號波。
打工仔：有意外天文台要全體引咎辭職
打工仔當然不滿天文台的決定，大插：「為咗金融峰會順利開幕，要全香港人一齊番工一粒鐘再收工，然後一齊塞車走。」，又質問天文台如果到時有意外發生的話，是否由天文台負責，全體職員是否會引引咎辭職。
圖片來源：劇照，TVB截圖，天文台
