小薯茄靠浮誇造作博出位？網民話呢個先係致勝之道

小薯茄以浮誇的動作引人注目

小薯茄於2016年成立，當年主要在Facebook專頁營運和發放生活類型的短劇。近年，小薯茄開始將重心放在Youtube，推出一系列的節目，並與不同的Youtuber、藝人合作等，愈來愈爆紅，引嚟網民不解何解小薯茄能夠於眾多youtube頻道的對手下都成功突圍而出？有網民就認為其中一個原因是浮誇的動作「成日覺得佢哋啲話劇型誇張好造作」、「童童扮東方昇，好癲」、「有時冰戲富係尷尬到我都唔敢睇」，小薯茄的演員常常以浮誇動作拍攝節目。同時亦有網民認為浮誇是「賣點嚟架喎」，並認為他們「造作但自然」。

平平無奇就係致勝之道

雖然小薯茄的節目簡單易明，沒有特別的創意，但網民認為「一路keep住做返自己野，冇踩過界掂啲太大爭議嘅野，又清楚自己團隊係行咩路線，最緊要冇發生咩公關災難，慢慢咪挨到出頭」，網民認為只要一直腳踏實地經營，日子久自然多人認識。

另外，網民認為演員樣貌普通也是成功的原因之一，「就係因為啲女唔夠人靚先突圍而出」、「啲人唔會太靚，又唔會太樣衰，好似同普通人差唔多咁，同觀眾距離感細啲」，網民認為普通平凡，給人感覺貼地，更加有觀眾緣。

全靠程人富撐住小薯茄？

不過也有網民認為小薯茄的成功完全是因為程人富的個人魅力，「主要係程人富，轉數快又厚面皮已經贏曬，有佢嘅節目唔會悶得去邊」、「雖然唔靚仔，但戲真係唔差，識搞gag得嚟又好笑唔會冷場，又識營造氣氛」、「淨係富哥嘅喜感都夠做」。