「安心出行」衝出香港 傅家俊向桌球大師親解用法！

「安心出行」衝出香港 傅家俊向桌球大師親解用法！

有「神奇小子」之稱的香港職業司諾克球手傅家俊，近日出戰「香港世界桌球大師賽」，打算為香港再爭一口氣！「香港世界桌球大師賽」將於本周四（6日）展開，多位外國球手已陸續抵達香港做準備。東道主球手的傅家俊就在今日（5日）在Facebook上分享趣聞。

傅家俊熱心教外國選手用「安心出行」

今次賽事將採取閉環管理，不少頂尖球手包括奧蘇利雲（Ronnie O’Sullivan）、卓林普（Judd Trump）、希堅斯（John Higgins）、沙比（Mark Selby）及羅拔臣（Neil Robertson）等都有參與賽事。而傅家俊則在Facebook附上一張自拍，並表示：「剛剛用咗差唔多一個鐘嘅時間同奧蘇，希堅斯，沙比，卓林普，解釋 “安心出行” 嘅用法！」。

對於本港超安心的應用程式能夠衝出香港，奔向國際，傅家俊的Facebook Post在短短數小時已經引來一眾網民及KOL討論，連前運動主播伍家謙都引唔住抽水：「奧蘇有冇話打147易過用個app？」，何基佑都話：「我淨係同外國朋友解釋幾時選擇「現在離開」同「已經離開」，大家都hang咗機。」。

網民：解釋點解用先難

唔少網民都對事件感到十分有趣，大笑：「辛苦曬，說好安心故事」、「佢哋聽完可能更加唔安心」、「解釋點用個app 唔難，解釋點解用先難」。