結婚敬茶先知有個「女神級外母」新郎哥尷尬一開口全場爆笑

訂婚儀式神級外母成焦點，皆因笑容甜美迷死人

一名來自大陸山東的網友分享村內的訂婚儀式影片，據悉片中一對新人因為學業成績太差，升學無望，所以高中畢業就被屋企催婚，於是就係雙方家長主持下訂婚。但大家嘅焦點都唔係一對新人上，反而大讚片中準外母年輕貌美，好靚女！片中所見一對新人正跪拜雙方父母及進行敬茶儀式，坐係家長席嘅外母樣貌十分年輕，而且生得清秀溫婉，當新郎哥向外母敬茶時，似乎亦因為老婆媽媽太後生，表現有啲尷尬，稱呼對方「媽」時，外母及圍觀親友都忍唔住笑出聲，新郎其後亦不自覺傻笑。而外母嘅甜美笑容更迷倒一眾網民，令該段有6秒影片在網上不斷轉發！

32歲做外母，網民競猜：幾歲生啊女？！！

除左驚嘆於外母靚樣外，外母年齡亦引起網民注意，因為拍攝者在影片上以字幕表示：「外母今年32歲」。引起不少網民猜測呢位外母幾歲生新娘，更有網民猜測外母可能係後媽，所以先會咁後生。後來才得知，呢位外母因為家境較為貧困，而佢除左負擔家中開銷仲需要支付細佬們嘅學費，所以年紀輕輕就出嫁，亦係年輕時就生左新娘。而影片中一對新人亦好後生，剛高中畢業只有十幾歲。由此推斷新人可能已經18歲，而外母有機會14歲就產子，令一眾網民相當震驚，高呼：「不可能！」

有網民留言表示羨慕：「自己都30幾歲了都沒有對象，人家外母32歲就快當外婆了」、「比丈母娘大還單身」、「外母年輕才好，沒有教育上的時代隔閡」。