女上司與18歲男員工酒後錯事 以加薪利誘 網民： 要3枝味極喊出黎！
酒後亂性女上司 獲3＋3賠償
事源有一位18歲男網民出post，指自己有晚喺新入職的公司與同事食飯，大家飲咗唔小酒，中途有唔少同事相繼離開，只剩低男網友與女經理繼續飲，男網民因酒量淺，飲咗4－5杯就不省人事，只係隱若中聽到女經理話會送佢返去，男網民醒後就發現2人赤裸瞓埋一齊，嚇到男網民即刻著衫逃離現場。第2日唔敢返工的男網民事後收到女經理的信息，竟表示抱歉，大家都飲多咗，希望單身的大家有進一步發展，兼且會加佢人工，試用期後加3k，下年再加3k以作賠償！男網民似乎睇到心郁郁，因自己只係中6畢業，「無家底無學歷無技能」，之前返過2份工都係得好少人工又辛苦做唔耐，今次呢間係大公司，人工同升幅佢都非常滿足，問網民點做好，並且po上一張女上司示意圖以及一張與女上司的對話圖。
女上司提供升職再加薪想有進一步發展
事主認為要討價還價又唔想辭職住，「宜家唔想辭 諗緊點樣拎到最大著數」，但又怕自己尾龍骨會出現問題，認為男人腰好重要。事主再po上與女上司對話圖表示自己「諗清楚，會接受3＋3人工上的調整」不過就希望完咗呢件事，發展嗰啲再算，表示偷望女上司只係事主對新事物好奇心的問題，而且希望女上司要保守秘密，想喺公司繼續發展。女上司見此即回應無問題，仲話可要求公司64歲的員工提早退休，到時仲要升事主做hr head，人工提升至35k左右，仲不斷強調希望同事主發展，得唔到事主個心都想佢個身！
網民錯重點喺女上司體型上：Maggie
唔少網民睇完都表示錯重點喺女上司體型上，認為呢個「要點美極的體格」只有21k不能接受「當務之急睇下骨科check check先好啲喎」「接受得就要定期點美極，你估真係3k每個月攤大手板就拎到」「條女唔見左條腰 師兄食得好重下」「坦克車黎」「按F進入坦克」「不想努力了」亦有唔少網民都覺得事主作故仔，因之前已經出過類似的文章「又玩膠post」「已負評，你條x樣一陣又暴走劇情」「作咗幾耐」「咁得閒好心你去做下義工，咪x係度作故仔浪費網絡資源」「今次醒醒定定唔好爛尾」「借刀味特濃」「係咪即係上次瞓醒見到坦克車嗰單？」
女上司發現事主於網上出post 自拍反擊
最後女上司發現咗事主喺連登討論區出post，仲sd自拍等圖反問事主點解要用一張體型咁大的圖作為示意圖！網民睇完對話圖表示好驚恐「比阿婆搞完連升幾級做阿head先得35k…..喊出黎」「仲要等幾年」「你搵到答案未」，不過亦有網民覺得女上司體型雖大，但樣好似唔差，仲識打扮下。
