網民第一次睇《死亡筆記》有感：作者夾硬要夜神月輸？L死咗之後可以唔睇
撰文：馬高斯 ｜圖片來源：連登、死亡筆記｜編輯：海月
想當年可能上半部L嘅表演太好，雙方互鬥嘅策略太高章，太有驚喜，你會唔會諗到阿月喺薯片袋入面寫名殺人；L好快就判斷到奇拿就喺日本，仲好快手就盯中阿月；仲有阿月各種層出不窮運用死亡筆記嘅手法，當時睇到拍晒手掌！但係有網民開po話，自從睇到L死咗之後，就想放棄唔再睇落去：
第一次睇死亡筆記，睇到第25集L死，心諗total 37集，應該係假死啦，點知睇多兩集，直接由2007年跳去2012年，上網google，L真係死__左，成個人都接受唔到，之後仲有十集，點頂？？？
好喇，之後L死咗，大家都覺得已經有個了斷，點知原來L有後繼人，不過N同M嘅表演就相對失色。始終JUMP係一本日本嘅國民級漫畫雜誌，入面大部份都係好王道嘅作品，所以無理由畀壞人贏，於是就出新角色去對付主角，再出多幾個豬隊友，跟手再格硬推低夜神月嘅智商：
全世界公認L死左當完 後面當平行時空after story就OK！
為左搞死夜神月 格硬將夜神月畫到變ONX仔，智商降左一半，班部下又聰明左一倍。
當然喇，繼續出落去背後有好大理由就係錢，當時《死亡筆記》人氣好高，JUMP無理由斬斷自己條米路。其實之後大場鶇同小畑健呢個組合嘅另一套作品《爆漫》中亦有暗示，本來故事係L死嘅時候完結，點解之後繼續出大家都心知肚明：
原作者原本都打算去到L死就完，係垃圾JUMP夾硬逼作者寫死夜神月，先有後面個堆夜神月降智商操作。
不過講又咁講，就算漫畫完結，仍然不停翻拍電影同日劇，更有netflix老外版，上年仲有外傳短篇作品，可見《死亡筆記》嘅人氣同地位有幾高！
