網絡神人用AI還原《多啦A夢》真人版 大雄、靜香都似到十足十？

網絡神人用AI還原《多啦A夢》真人版 大雄、靜香都似到十足十？

大雄

大大副圓框眼鏡係大雄的精粹所在，真人版後的大雄留有大眼鏡同埋木呆式髮型，但樣子看上去成熟不少，就咁睇有啲似係大人扮小朋友。

大雄媽媽

大雄媽媽真人版睇落其實同大雄差不多，最多都可以話只不過是大雄真人版後再加長頭髮之後的樣子罷了。

大雄爸爸

大雄爸爸就的確幾似，其胖臉樣在真人化後同樣存在，不過人中位多了鬚渣，多了一番蒼桑感。

靜香

全動畫入面最靚女的靜香同學，真人化之後都似足女神，唔怪得大雄係戲入面咁想追到靜香啦！

出木杉

出木杉的精靈感在真人版之後更加重，而且真人化後的出木杉十分靚仔，眼仔大大似足日本童星，髮型亦都留有細個每個男仔都有過的冬菇頭。

胖虎

一路最愛恰大雄的胖虎，在真人化後少了一份霸氣，多了一種「傻吓傻吓」的感覺，睇嚟真人化後胖虎有啲難再去欺負大雄了。

胖妹

胖妹真人化之後…其實就係胖虎的女裝版吧？其樣子只不過像是胖虎瘦返少少再加上個招牌內曲髮型同小紅帽，十分有喜感。

小夫

小夫經典的髮型在真人版中的確難以表達，不過樣似同動畫入面的確十分似，而且其「突嘴」的外觀亦完美還原，可以話有95%似！

小夫媽媽

小夫媽媽真人化後同小夫就唔太似，其向上「戚」的眼睛在真人化後比較正常，不過其髮型令到小夫媽媽睇落有啲似男人就真。

英一郎老師

動畫入面英一郎老師的慈祥樣在真人化後都繼續保持，笑起上來更加係「宅心仁厚」寫於臉上。

多啦A夢

明明擁有男性聲音的多啦A夢，在真人化後竟變成女性，而整個感覺睇上去都十分怪異。終於明白點解《多啦A夢》做唔到真人版，或者多啦A夢就是故事入面最多的「製作樽頸位」吧！