【即食麵煮法】簡單多1步煮出神級味道！網上瘋傳「最新即食麵煮法」
廣告
【即食麵煮法】即食麵，可以話係我哋香港人嘅良伴，煮法簡單快手，超忙嘅時候，又或者深夜總是餓果陣，一包即食麵真係救命草！最近一位日本網民就喺Twitter講解一個「最新即食麵煮法」，簡單嘅步驟令味道昇華！
撰文：馬高斯 ｜來源：麦ライス@シェフ/料理家、teekeatz｜編輯：海月
網上瘋傳「最新即食麵煮法」
呢位網民就用三洋食品 （サッポロ一番）嘅味噌口味即食麵，要喺香港搵日本嘅即食麵應該無乜難度，各大日式超市、Donki等等都一定有！
首先都係同平時一樣，將即食麵煮3分鐘，想有啲嚼勁嘅朋友就按個人喜好調節煮嘅時間！然後加入原來跟埋嘅調味粉包之外，再加入300ml豆乳、兩匙芝麻醬、一匙豆瓣醬，同埋半匙糖，充分煮熱後湯會變得更香口濃郁，淨係聞到都流晒口水！
另外，網上亦有另一個被瘋傳嘅煮麵大法，喺煮麵之前，先喺碗度打一隻蛋，然後加入蛋黃醬、蒜泥、調味粉，然後一拼攪拌。最後將煮好嘅麵同熱湯倒落去，非常簡單！
同場加映
韓國即食麵近年備大眾喜愛，雖然價錢比本地生產嘅即食麵貴，不過唔少朋友都一於少理。其實韓國即食麵有好多唔同種類，而且每款各有特色，唔想剩係識得買「辛辣麵」？咁就要睇下以下網民嚴選韓國即食麵排行榜！
