半山超誇私人party網民怒轟？ 真相原來係咁！

近日，有網民上載短片，影住自己屋企附近嘅一幢位於西半山嘅大廈，同時寫道：「其實過去半年無論朝頭早晏晝同夜晚間唔中佢就會播一啲超級嘈嘅party song, 今晚我肯定寶珊道干德道同旭龢道所有人都聽到，係真係大聲到喺屋企閂埋窗都會嘈到你做唔到嘢。忍唔住打去報警，警察都話已經收到好多投訴」，最後仲怒轟 ：「其實你咁有錢可唔可以有返啲品」。短片可見，成幢大廈至少三層都亮起唔同顏色嘅燈光。拍攝者雖然離大廈有一段距離，都可以聽到播放緊超大聲音樂。

影片一出即刻引起網民熱烈討論同轉發，由評論區可以見到一眾網友都覺得咁嘅私人場合唔合理而且事態嚴重：「嘩好誇喎，差佬上都冇用？唔通要搵慌張西望」、「懷疑有人吸毒、藏毒，報警大搜查」、「食左太空油fing緊啦」。

就係帖文出咗冇耐，好快就水落石出！原來短片見到嘅派對並唔係發生緊大家想像中莫名其妙嘅事，而係近期時裝藝術界嘅 after party，連日本藝術家村上隆都有到場，難怪場面咁盛大啦！仲有唔少內部相片同影片流出添！