【十年挑戰】震驚唔知幾多億網民！日本肥宅變身成靚女

撰文：馬高斯 ｜圖片來源：Twitter@miyamoto_fox｜編輯：海月

【十年挑戰】震驚唔知幾多億網民！日本肥宅變身成靚女

講起10年前後，不禁諗起2年前曾經喺Facebook同Instagram流行過嘅「10年挑戰#10yearchallenge」！當時小編都有玩，十年前後認真大不同，特別係身型上（哭）日本就有位Coser（＠miyamoto_fox）喺Twitter分享過去同而家嘅自己，由四眼肥宅變身成靚仔，仲要carry得到扮女裝Coser！好快引起網民熱烈討論，小編第一眼睇係好難想像係同一個人，簡直化不可能為可能嘅程度！

唔少人睇完都好驚訝！己經唔係「變化」，而係超究極進化！不過講過講，能夠做到咁大嘅變化，呢位Coser背後嘅努力付出都好大，髮型嘅改變、學習化妝，同埋最重要嘅減肥！等我哋睇吓日本網民有咩反應！

一眾網民點睇：

「搞到我想放棄做人…」

「睇嚟我都有機會可以變成靚女！」

「直頭有種性別同人種都改變埋嘅錯覺…！？」

「仲可愛過啲唔識打扮嘅女仔！」

「雖然無整容，但有可能係轉生」