【出軌特徵】出軌唔一定只係壞咗嘅人？被戴綠帽男人的5大共通點

【出軌特徵】「出軌」從來不分男女，年中唔少被戴緣帽嘅「幸運兒」，根據日本政府統計數字，現時日本全國有約2500萬對夫婦，其中有近3成老婆承認曾經出軌，點解會咁多日本女士會走去出軌呢？日本就有套綜藝節目《ホンマでっか！？TV》，訪問咗100位曾經被戴綠帽嘅男士，以及結婚20年以上家庭美滿嘅男士，最後發現老婆曾經出軌嘅男人都有5大共通點，男士們快啲睇吓自己有無中以下特徵！

撰文：馬高斯｜圖片來源：《ホンマでっか！？TV》｜編輯：海月

出軌唔一定只係壞咗嘅人？被戴綠帽男人的5大共通點

1.過份自信

根據節目問卷調查結局所得，當被問到自己有咩魅力，家庭美滿嘅男士都會謙虛回答「我無咩特別」，而被戴綠帽嘅人多數會答「我好溫柔體貼」。

心理學專家指出，過份自信或自卑，自我意識太強嘅男士，好容易令女士覺得反感。比起男士自我表現優點，其實女士們更鍾意主動去發掘對方嘅好，所以太過自我主張，會令對方對你失去興趣。

2.鍾意瞓覺同獨處

跟住另一個問調查對象嘅問題係「你覺得咩時候係最幸福？」，擁有美滿家庭嘅人大部份答「同屋企人一齊」、「同小朋友玩」，而被戴綠帽嘅人就多數答「無咩特別」同「瞓覺」。從中見到容易被戴綠帽嘅人鍾意一人獨處，適當嘅個人時間係好事，不過過咗火搞到對家庭毫不關心，會被對方覺得不被重視。

專家指出，態度冷淡嘅男士被戴綠帽後，通常認為自己無錯，不過其實老婆出軌嘅主因就係老公嘅忽視。有時就算有缺點，成日鬧交，只要對老婆同屋企嘅事上心的男人，先能夠維繫婚姻長久！

3.沒有朋友

調查所得，擁有美滿家庭嘅人，多數有1至2位好朋友，而被戴綠帽嘅人最大嘅共通點就係無朋友，思諗方式單一，無愛好、又無興趣，每日收工就直接返屋企做宅宅。

節目搵咗曾經處理過唔少離婚訴訟嘅律師，指出好多出軌嘅女士係頂唔順老公無聊嘅生活，於是走去出軌尋求刺激感。日本最近亦出現一個新詞「ワシも~族（我也~族）」，意思係結婚後老公就好低一隻跟尾狗，無主見又無朋友，老婆去邊就跟到邊。

4.每日都唔會send短訊同老婆交流

「你每日會send幾多次短訊畀老婆？」，家庭美滿嘅人每日至少3次或以上，而被戴綠帽嘅人就係0次。

心理學家指出，大部份男性出軌源於性慾同戀愛初心，但女性嘅出發點唔同，佢哋出軌大部份源自對老公嘅不滿。多數女性都希望透過出軌，去吸引老公注意，拉近返兩人嘅距離。而且患抑鬱症嘅女性入面，出軌人數比例非常高！所以預期一年先畀一次驚喜對方，不如每日簡單幾個關心嘅短訊，反而更令女性幸福同有安全感。不過專家亦補多句，有調查顯示男性連續發12次訊息畀女性，會令女性感到疲累！