女網民：男人係真唔識氹人定懶得氹？男友激嬲女友通常用呢一招？！
廣告
近日有女網民於網上發起一個討論為「啲男人話唔識氹人，究竟係真係唔識定懶得氹唔想氹？」男人唔識氹女朋友呢個話題一直都講咗好多年，到底係咪真係男人對呢方面無咁敏感，唔知女朋友發脾氣定點？今次有女網民發起呢個討論，唔少男網友為佢解答，亦得到好多男網友的認同！
男友激嬲女友只係識扮無嘢呢一招？
女網民於網上發起一個「啲男人話唔識氹人，究竟係真係唔識定懶得氹唔想氹？」的討論，指自己唔係成日要人氹，只係間唔中有唔開心，例如嚟m舒服想人氹吓，指已經指拖3年都係無，同埋指男友通常係自己嬲的時候就會用轉移話題的方式之後當無事發生咁。女網民問網民自己是否太卑微？同埋自己都係想人關心吓，要求唔多只係想氹一兩句或者「攬住我都ok的」結果呢位女網民得惹嚟一堆普遍「男友式一秒激嬲女友」的回應「小小野嬲咩姐 煩」「黎M就休息啦 嘈」「叫你收聲就收聲啦 咁唔聽話 博罵呀」「講一句駁十句 唔會氹你嫁啦 早抖啦你」「飲啦講咁多 煩」「我唔信你條仔冇咁做過lor，但肯定你係唔知足個type，氹完攬完你又會想要其他」
網民分析：男人之間相處係唔會呃呃氹氹！
亦有網民分析「因為男人之間相處係唔會呃呃氹氹」亦有網民指出呢種唔識氹人的男人先比較專一，相反好識氹人的男人就會普遍花心「有啲識氹，但識氹都係有原因，唔係氹得女人多又點會無啦啦有呢種能力。有呢種能力代表佢好知女人想要乜，同埋代表佢好享受呢種能力帶嚟嘅好處，佢哋更加容易對其他女人用呢種能力。」「人冇完美。專一木獨嘅男人係咁。如果你想佢用某種方法氹你，你最好講清楚，下次可以點點點做。慢慢傾下搵啲你鍾意而對佢嚟講唔太難嘅嘢去做，eg 攬下摸下頭」「所以你大可以搵返呢類男人拍拖，不過唔好期望佢會好專一同身邊冇乜女仔friend」
