少數族裔前板球港隊轉換跑道揸巴士 憶述初期被歧視超失落！
廣告
香港地搵食艱難，尤其是運動員，政府對於香港運動員的支援一直都是一大問題。面對疫情，不少運動員都面臨「失業」的情況。有一名少數族裔的前板球港隊就默為背傷退出板球港隊，之後從事兼職外賣員，最近正式轉換跑道成為巴士車長。
少數族裔前板球港隊轉換跑道揸巴士 憶述初期被歧視超失落！
據《有線新聞」報導，前板球港隊成員伊山為巴基斯坦族裔。而他是九巴現時九名少數族裔人士車長中的其中一名，他在從事巴士車長前曾兼職擔任外賣員。因為希望有穩定收入，所以決定轉換跑道成為車長。伊山負責大圍美林線，每日早上5時回廠拍卡，再駕車到美林開工。
曾被港人歧視：揸得咁差！
因為伊山曾揸過電單車送外賣，所以在面對巴士時都更易上手：「我們要先調較倒後鏡，再看價錢有沒有問題。」。不過初初成為巴士車長時都曾被港人歧視，有時聽到乘客微言：「有時候聽到乘客講，又是他了，為何會駕得咁慢，咁唔好。」，他亦指：「他們望一望你，好似好唔鍾意我，好似唔想坐巴士。我係好唔開心，仲諗過辭職。」。
因受歧視曾想辭職
因為受到歧視，伊山都曾經失落到想辭職。不過後來有一位師兄在旁陪著他，見到有乘客對住伊山微言的話，就立即開口指對方不是。之後伊山都慢慢放下，學懂「唔使太上心」的心態，終於捱過了首個星期。之後伊山的駕駛技術和態度，更令乘客改觀：「好多人落車都會舉起拇指，讚我駕駛安全。」。
伊山：我都係香港人
面對少數族裔在香港生存的壓力，伊山認為自己在香港已經生活13、14年，而且也擁有了身分證，揚言：「我們同樣都是香港人。你不應該有概念覺得『香港是我的』，『點解你們來這裏，點解要返工』。大家都是香港人。」
網民打氣力撐伊山
不少網民都為到伊山打氣，認為：「識講廣東話已經係香港人」、「真係無必要放喺心」、「通常歧視佢哋嘅都係老一輩人」。而且都有網民認為膚色並不能界定對方是不是香港，大家在同天空下生活，就應該互相扶持同支持對方。
圖片來源：Facebook@有線新聞，《有線新聞》截圖