Staycation小心出事！25歲女子浸浴後要截肢保命
撰文：Andy｜圖片：《愛回家》劇照、Mirror UK、Caters News Agency、gofundme.com 網頁截圖｜編輯：海月
Staycation小心出事！25歲女子浸浴後要截肢保命
大家因為冇得旅遊，所以大多數人選擇用staycation緩解工作壓力。大家去staycation都免不了用酒店浴缸浸浴，不過最近外媒報道，一名英國25歲女子Lauren Briggs她早前與友人在家人開派對，其後浸浴後感到不適，並出現重器官衰竭及下肢發黑壞死，最終要截肢保命。
事源今年1月，Lauren同一班朋友喺家中開party。開完party當晚晚上就喺浴缸浸浴，可能開party太開心太累，竟然最後喺浸浴過程中瞓著。就係因為咁搞到浸出禍！第二日Lauren朋友發現佢呼吸唔順，其後更喘氣倒地陷入昏迷！佢地即刻call救護車將佢送院。
細菌感染導致腦膜炎雙球菌 最後要截肢保命
Lauren送院時全身腫脹而且下肢發黑，檢查之後，醫生發現Lauren感染咗腦膜炎雙球菌！不幸嘅喺佢引發嚴重的腦膜炎雙球菌菌血症，導致出現多重器官衰竭。醫生診斷過後稱，Lauren必須盡快切除右腳和左腳腳趾保命，否則很難撐過48個小時。醫生估計浴缸嘅水含有腦膜炎雙球菌，並經Lauren腳部嘅小傷口入侵體內。Lauren媽媽為保住Lauren嘅性命逼於無奈答應進行手術……
手術後昏迷2日 Lauren因截肢出現心理障礙
Lauren手術後昏迷咗48小時才甦醒，佢醒咗之後發現自己嘅右腳及左腳腳趾被截肢！佢因截肢而失去原本份工，而且仲出現言語障礙同心理疾病。
Lauren對於自己宜家必須靠他人生活而感到自卑，覺自己已被困在殘缺嘅身體內。目前Lauren已經出院，因為宜家身體狀況需要長期請人照料，佢發起網上眾籌，希望獲得愛心人士捐款，以支付生活所需。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！