【新蚊熱話】Print嘢並唔是咁Print嘅？！ 巴打搵老友幫忙用手機Print文件 結果竟然……

撰文：Fazo丨資料/圖片來源：連登討論區｜編輯：異種火星人

網友：你個FRD係咩年代？巴打搵朋友幫忙Print文件 結果竟然……

連登巴打昨晚以「叫我fd（朋友）幫手print（打印啲野……點知佢咁print」為題發文，並附上兩張WhatsApp對話截圖及「成品」照片一張，從對話所見，樓主問朋友：「你有冇打印機？幫一幫我印啲野」並隨即傳送一個Word文件檔案。但朋友卻表示：「但我唔知點放入電腦」，然後雞同鴨講的劇情就展開了！
 

樓主開始以黑人問號狀態反問朋友：「你要喺電腦先印到？」而朋友則真心問：「你想就咁手機印？」樓主回應：「有咩問題？我平時都係用手機印。」朋友表示：「但好細個喎」，相信樓主誤會了朋友指解像度細所以回答：「你印完比我睇下，我幫佢印都好細，佢話無問題」，結果，大家期待的畫面當然出現了，朋友直接用iPhone手機打開Word文件檔案，再放入影印機上影印，得出一張只佔A4紙一角的手機螢幕影印成品！
 

網民粉粉表示這位朋友連「airprint唔識都算，web WhatsApp都唔識？」實在令人「吹到啤一聲」，但亦有網民表示：「你朋友幾單純，好好珍惜 如果異性就更係very gd！」

亦有網友反問樓主的朋友「智商夠唔夠80」，並叫樓主簡單教朋友上網Download來印，這樣就不用解釋，之不過隨後即有網友笑說「樓主的朋友到時就會成個Mon隊落去」，十分惹笑。

台灣都有「豬隊友」？！

另外有網民指出另一單有異曲同工之妙的新聞，就是台灣一名網友分享的「Copy」備份鎖匙故事：「今天早上請我外籍員工去幫我copy一套備份鎖匙，下午回到公司我整個傻眼⋯⋯請問這種員工我該怎麼處置？！」

當然大家都想像到結局的畫面，就是外籍員工直接將copy解作影印的意思，用影印機將老闆交給他的鎖匙影印為「黑白鑰匙」A4紙一張。只可說一句，不怕神的對手……