5件唔講唔知係寶嘅抗敏護膚品
text-Emily （ig：emkiuuuuuuuu）
尋找當寶嘅抗敏護膚品
1.洗面！Fleurance Nature Gentle Cleansing Milk
洗面呢家嘢，識揀就緊係揀洗面奶。因為對敏感肌嚟講，最忌就係洗得太乾淨，連皮膚本身需要嘅油脂都帶走埋。唔好忘記，皮膚太乾燥，都係敏感嘅原因之一。想有足夠嘅潔淨力，兼且用完唔會令皮膚唔舒服，最好就唔好用有泡嘅潔面產品。
我都知大家應該對Fleurance Nature都比較陌生，其實佢係嚟自法國嘅有機牌子，成分全天然，連大肚婆婆同BB都用得，夠晒安全喇啩？筆者到目前為止，已經回購咗5、6支，連去旅行都成支帶埋去，你就知有幾好用。順帶提一提，如果平日唔係搽好厚粉嘅話，齋用佢卸妝都夠乾淨架喇！
2.保濕！CNP Laboratory Aqua Soothing Gel Cream
都係嗰句啦，保濕真係好好好好緊要架！但要搵到唔敏感又補水嘅保濕霜，又唔係咁容易。你知啦，好多牌子嘅cream一打開就成陣香料味，邊個夠膽搽上面啊大佬？不過，近排我終於都搵到心水喇，就係CNP Laboratory呢隻保濕纾緩gel cream！
而家韓風吹得咁勁，我估唔少絲打都應該聽過CNP呢個韓國醫學牌子，佢嘅產品對敏感肌嚟講絕對有保證。呢款gel cream亦唔例外，搽上面涼浸浸勁舒服，尤其係塊面泛紅嘅時候用佢，真係會有纾緩嘅效果。最緊要嘅係，佢真係好保濕，用完之後塊面全日都唔會油淋淋，正啊！
3. 紓緩！Dr. Andrew Weil For Origins Mega-mushroom Skin Relief Soothing Treatment Lotion
我都知你一定識得Origins，但你又知唔知，佢有個專為敏感肌而設嘅靈芝菇菌健膚系列？唔知嘅話，咁你就真係要試喇！尤其係呢支健膚紓緩水，真係隨時隨地都要有1支看門口。
每次我皮膚開始敏感嘅時候，我就會狠狠咁將佢倒喺化妝棉，然後再撻喺敏感嘅位置，化妝棉乾咗就換第2塊。一開始用嘅時候，可能會覺得「㷫㷫」哋，唔使驚，係正常嘅。大概敷10幾分鐘啦，就會發覺泛紅嘅地方退得七七八八架喇！
內容延讀
＞唔再敏感，就可以玩素顏自拍
＞成日敏感？係咪要排毒呀﹗
4. 消炎！ Tatcha Indigo Soothing Renewal Treatment
講到敏感護理，你唔可以唔識Tatcha呢個實力派牌子。呢個品牌低調到冇得再低調，如果冇睇開美容嘢，真係可能聽到未聽過！
Tatcha呢個Indigo系列嘅厲害之處，就係除咗敏感肌可以用之外，重係濕疹及玫瑰疹嘅救星。筆者除咗皮膚敏感，重成日生濕疹（係咪好慘）。而呢款護膚霜，就係 我唯一用過冇類固醇，但又可以快速纾緩到濕疹嘅產品。每次我塊面敏感生粒粒，又或者起濕疹嘅時候，都一定會搽佢，用完即刻冇咁痕，好快就消腫，冇咗佢都唔知點算！
5. 美白！ Cremorlab T.E.N. Cremor Perfection Hydrating Mask
敏感肌想學人美白？發夢啦！相信好多人都有同感。的而且確，敏感肌膚用親強效嘅美白產品，就一定出事。但冇人叫你咁貪心架嘛，揀啲成分溫和嘅產品，稍為提亮下膚色就應該滿足吧！
嚟自韓國嘅Cremorlab，產品性質都好溫和，係好多敏感肌人士嘅新寵。而呢款礦物淨白水分面膜，就係我嘅最愛，每星期至少敷兩次。用咗一段時間，真係覺得自己膚色白淨咗，冇咁黃，最緊要係完全冇敏感，實在令我好感動。介紹咗畀身邊嘅朋友用，個個都讚不絕口。用完覺得好，記得留個comment話我知喎！
Shop List
a/屈臣氏 尖沙咀金馬倫道18號恆生銀行大廈地下及地庫5號鋪 2525 7311
b/屈臣氏 旺角彌敦道655號胡社生行地下 2866 3776
c/ Origins 觀塘apm商場C7鋪 3580 0305
d/ Joyce Beauty 九龍塘又一城G39號鋪 2265 7176
e/ Sasa 佐敦彌敦坊地下G03號鋪及地庫 2505 5023
內容延讀
＞唔再敏感，就可以玩素顏自拍
＞成日敏感？係咪要排毒呀﹗
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
[…] ＞ 肥定瘦都好！係敏感肌就必入５件「正斗」護膚品 […]
[…] ＞敏感肌揮手區！過嚟尋寶 […]
[…] 【Trend’s Like Wind by杜如風】各位讀者們，可曾覺得男人就像護膚品？香港有數之不盡的牌子護膚品，而哪款適合自己呢？相信各位女士都試過很多不同牌子及不同種類的護膚品，就等於我們試過跟不同的男人相處，有些不夠保濕、有些太過滋潤、有些令你皮膚敏感、有些控油力差⋯⋯總之就是不適合你的護膚品。小妹曾經試過用1個某大牌子的eye cream，以為是「筍嘢」，點知搽到對眼皮爛晒，可能它的成分太強烈、太刺激，所以就算它是王牌eye cream，我的眼皮受不了就是受不了！所以呢，護膚品跟男人都有不適合自己的時候。 有些男人很滑，口甜舌滑的滑，氹得你很開心，但這些男人通常都是萬人迷，而你只是他其中1個小四！有些男人很乾，枯燥的乾，雖然他心地善良又不會偷食，但你對着沉悶的他，很快會枯死！又有些男人太過生意人，每天對着你說很多關於股票的行情，甚麼246、639、727⋯⋯嘩，我還以為是搭巴士的路線圖添！又有些太過大男人的男人，他對你很好，但想將你完全控制，佢叫你搽乜嘢cream就乜嘢cream，完全冇自主權，可惜這隻cream太油膩，完全不適合油性皮膚的你⋯…「咁你飛唔飛佢好呢？」 若要找到1隻最適合自己的護膚品，你必定要付出很多金錢、時間和勇氣，我們很多時用慣了1隻護膚品，就以為可以永遠長久地用下去，直至入棺材為止！但原來隨着年紀的增長、天氣的轉變，原來我們是要換不同成分的護膚品，1支cream搽唔到一世架，除非你一開始護膚的時候，就咁好彩被你遇到最適合你的護膚品，是可以搽一世都不變心、搽一世也剛剛好、保濕又滋潤又抗皺的「超級護膚產品好男人」！但各位姊妹們，有沒有試過1支護膚品可以用一世呢？小妹相信很難，因為人會成長，成長後的要求也比年輕時不同，所以我們才不斷不斷地轉用各種護膚品。 亦有可能，到最後發現，自己根本不需要用任何護膚品，自己1個人，自由自在，用清水拍拍「面珠登」，行得！了無牽掛的感覺也實在太好了！ […]