【總有出頭天】《 龍珠 》角色票選no.1竟然係佢？

text – 專題組 photo – 1up情報局

喺「らしんばん秋葉原店新館」內，將《龍珠》入面曾經出現過嘅無數角色，都印晒出嚟貼晒上牆，顧客就可以行埋去，用圓點貼紙貼去你所心儀嘅角色下面，投佢1票。每名顧客每日可以投兩票。

知道有呢個投票，你第1個反應係咪都係諗第1名實係主角悟空，再唔係就係比達或者笛子魔童？今次恐怕會令大家啲眼鏡跌晒落地！

暫時悟空連三甲都唔入，比達暫列第2名，魔童就係第3。

 
內容延讀：

＞【2,000日漫迷投票】 嚴選最強10大運動漫畫

＞出前一丁 清仔真人版終於出現！靚仔到呢

登登登櫈～第1名竟然係成日被人打死，女又媾唔到嘅悲劇人物－－阿樂。係咪估佢唔到呢？

早前個殺人統計圖入面就已指出，佢1個人都冇殺到過，而且重被人炸死、打死過，莊子又被比達搶咗，連最近新出嘅figure都係用佢嘅死姿。唔知大家係咪可憐佢，所以投票俾佢呢？今鋪佢都可謂吐氣揚眉喇！

阿樂今次唔再係黑影下人物，取而代之嘅竟然係龜仙人嘅師兄－－鶴仙人。暫時佢1票都拎唔到，真係陰功豬囉～

 
內容延讀：

＞【2,000日漫迷投票】 嚴選最強10大運動漫畫

＞出前一丁 清仔真人版終於出現！靚仔到呢