網民最想M記重出的10款食物　第一位竟然係……

撰文：環球膠報｜圖片來源：討論區截圖、官方圖片｜編輯：Cherry@Central

網民最想M記重出的10款食物

有網民早前在網上的討論區開Post指，好多人都好掛住以前M記的食物，而佢哋就數咗幾樣經典又好味嘅食物！

1double足三兩

網民話

好想食double足三兩
以前做完運動，一嚟即刻食個double足三兩，仲要餐加大，chur埋杯可樂，真係好正

2將軍漢堡/玉子將軍漢堡

小編就認為醬汁一般啦！

3朱古力新地筒

唔知大家仲記唔記得朱古力新地筒，小編記得以前見過職員整呢款雪糕的時候，成個雪糕跌咗落去個朱古力海度，浸死咗！不過個脆皮真係好正！

4飯tastic

一開始出飯tastic個個都覺得有啲奇怪，但宜家冇得食，又好掛住喎！「飯tastic巴巴閉⋯⋯」，問10個人總會有5個在絶版食物之中記起它，原因不外乎那琅琅上口的急口令。以兩塊飯餅取代包身，中間夾著牛或雞，加上少許菜。亦因非常受歡迎的關係，令麥當勞曾在新年期間限量再度推出，引起全城一時熱話。

5咖喱薯仔批

咖喱薯仔批就是許多網友異口同聲地大讚好食的絕版食品，更說有真薯仔在裡頭，可惜小編未食過，希望官方會再考慮推出！

咁多個批，個個都話咖喱薯仔批，究竟有咩魔力？

624蚊 脆辣雞腿包餐

好多人都想食番24蚊嘅脆辣雞腿包餐，雖然而家有脆辣雞腿包餐，但唔係24嘛！

7 脆魚手指

有網民指記得M記出過脆魚手指，但不知道是不是自己記錯，答案係呢位網民係冇記錯，真係有脆魚手指 ，但係10年前出產，小編當年好似冇試過！

8.彩虹新地筒

另一種令人難忘的美食，還有彩虹新地筒。彩虹新地筒的雪糕邊加上不同味道的醬，有朱古力咖啡、提子、紅莓和青蘋果味。有不少網民指當年普通新地筒只需$2，彩虹新地筒賣$4.5，雖然價錢稍貴，但較普通新地筒好味，所以不少人都願意食彩虹新地筒。

9.聰明豆麥旋風

麥旋風曾經推出不少期間限定的味道，例如：芝士蛋糕味麥旋風配藍莓醬、士多啤梨蛋糕脆脆味、D24榴槤味、阿華田味及紫薯味等。雖然麥當勞不斷推出新口味，但網民始終懷念聰明豆麥旋風，不少網民表示聰明豆配上麥旋風感覺特別，不過亦有人指「聰明豆太甜」，覺得「不太好食」。你又點睇呢？

10.超級隊長漢堡

日本麥當勞早幾年曾推出超級隊長漢堡，在當地創下單日售出3億港元漢堡的紀錄，成為一時熱話。香港麥當勞早幾年亦有推出超級漢堡，材料有：厚牛肉、薯餅，再加兩塊煙肉，被喻為「超級肥仔餐」，有網民指午餐食完飽到夜晚，笑言「十分抵食」。