颱風蘇拉｜港人無懼打風堅持去深圳讚有3大好處 網民鬧爆：勁自私！
1.內地沒有打風假期，因此會繼續營業
香港人上深圳不外乎去打卡及歎美食，不過就算香港改發八號烈風或暴風信號，深圳的店舖仍然會繼續營業，網民表示：「打風先最啱返去，香港放假但深圳一切如常」、「以前打10號深圳都如常，我當時喺深圳返工都冇假放」、「要勁到山竹咁先會停，上次八號我剛好喺深圳，商場照常營業」、「深圳馬照跑舞照跳！」。
2.打風期間，深圳變得又少人又安靜
每逢週末都會見到深圳不少商場塞滿香港人，因此就有港人認為打風期間去上深圳就唔使同人逼，更留言到：「打風先好！冇乜人」、「以前試過兩三次掛八號嗰時喺深圳揼緊骨，又少人又靜」。
3. 可以玩足3日2夜
平時香港人都要等到週末才能北上，不過如果星期五天文台天文台改掛「8號波」，就可以有多一日「假期」，因此不少網民表示：「星期五一掛8號就即刻上深圳衝上深圳，咁就可以玩足3日2夜。」、「星期五上去，星期日黃昏返，正宗3日2夜，乜風都打完啦！」、「有信心！所以星期四放工就返深圳」、「星期五上，星期一落，玩足3日，食足9餐。」
港人為北上玩樂罔顧安全 網民鬧爆：香港人核心價值「話之你」
有人擔心交通問題及環境會變得惡劣，而網民表示：「一過福田口岸，地鐵直上龍華一方天地 或者坐高鐵、地鐵，直踩上廣州、佛山、南番順，雙颱風都追你唔到！」、「一過羅湖到深圳，一入地鐵四通八達唔使出室外，商場連商場，落狗屎都唔怕啦！怕商場冷氣唔夠凍好過啦！」、「皇崗關口係24小時， 只係冇車要自己諗辦法」、「同返工一樣，毋懼風雨，衝呀」。不過上述言論就令另一半網民怒轟自私：「見到呢啲人就嬲！問有冇美團有冇高鐵，大家同服務員都係人命」、「香港人一向都理得人地㗎啦」、「今次個風隨時勁過山竹啊！」、「香港人的核心價值，我話之你死，最緊要係我有得娛樂。」。
八號風球安排丨內地過關
在八號颱風訊號懸掛期間，不同交通工具有不同措施及服務安排，以下整合八號風球下內地過關的交通安排。
| 交通工具 | 八號風球安排 |
|---|---|
| 港鐵（羅湖站/落馬洲站） | 8號風球下維持正常服務，但班次會逐漸減少；
9號風球或10號風球下，列車服務暫停。 |
| 城際直通車（紅磡站） | 需視乎當時風速、環境及安全情況而定，再向乘客公布。 |
| 高速鐵路（西九龍站） | 需視乎當時風速、環境及安全情況而定，再向乘客公布。 |
| 港珠澳大橋穿梭巴士 | 8號風球下仍維持有限度服務。 |
| 皇巴士 | 8號風球下仍維持有限度服務。 |
| 港澳碼頭 | 懸掛8號風球後暫停服務。 |
| 中港城 | 懸掛8號風球後暫停服務。 |
| 空中快線直升機 | 懸掛8號風球後暫停服務。 |
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
