極熱!街坊實測長沙灣站內溫度成31.8°C
廣告
香港天氣又濕又熱,到夏天有時真係幾難頂,諗住去地鐵站嘆下冷氣,點知可能比戶外更加熱?日前就有長沙灣居民喺長沙灣港鐵站嘅唔同位置測量溫度,發現站內嘅最高溫度有成攝氏31.8度,而車廂就錄得攝氏26.4度。唔同區嘅網民都認同長沙灣站的確比較高溫。
長沙灣街坊實測
日前有網民喺Facebook群組「長沙灣街坊」發Post上載咗多張喺長沙灣地鐵站內影嘅溫度計相片,可見喺地面出口同走廊嘅溫度係介乎攝氏31.5至31.8度之間,車廂就錄得攝氏26.4度。有媒體向港鐵查詢,港鐵回應表示,收到乘客反映長沙灣地鐵站溫度過高問題,由7月6日起已經於站內加設超過十部吹風機,主要設置喺車站幾條通道。
![長沙灣站 日前有網民喺Facebook群組「長沙灣街坊」發Post上載咗多張喺長沙灣地鐵站內影嘅溫度計相片,可見喺地面出口同走廊嘅溫度係介乎攝氏31.5至31.8度之間。](https://imgs.nmplus.hk/wp-content/uploads/2022/07/-2022-07-06-4.02.55_43234509762c541b356f9a.png)
網民認同長沙灣地鐵站特別熱
帖文喺網上引起熱烈討論,唔少居民都異口同聲認同長沙灣地鐵站特別熱:「呢個站真係好熱,唔覺有冷氣」、「空氣真係唔太流通」、「搬嚟無耐,真係覺得地鐵站好熱」。事件曝光後有居民發現港鐵喺長沙灣站內走廊同大堂都加設咗吹風機。
![長沙灣站 事件曝光後有居民發現港鐵喺長沙灣站內走廊同大堂都加設咗吹風機。](https://imgs.nmplus.hk/wp-content/uploads/2022/07/-2022-07-06-4.04.07_53920006762c541fd9930f.png)
搬嚟無耐,真係覺得地鐵站好熱
空氣真係唔太流通
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!
圖片來源:Facebook@「長沙灣街坊」