鐵路迷超興奮擁現東鐵綫過海開通日 作曲又獻新歌
廣告
昨日（15日）港鐵東鐵綫過海線段開通，由紅磡站延伸過海直到金鐘。大批鐵路迷因開通超興奮，一早排隊等候開通，埸面誇張，引網民發起「其實全部男人係咪多多少少都有啲交通膠」的討論。
開通東鐵綫過海鐵路迷又獻曲
15日開通東鐵綫過海，搭東鐵綫唔駛轉嚟轉去直接過海。成班鐵路迷都超興奮，零晨時分已經到灣仔全新啟用的會展站等候開通，鐵路迷擁擠係閘口，仲同港鐵高層齊倒數，認為係首次由東鐵接通港島係別具歷史意義！今次同樣有鐵路迷為此作咗首歌於TVB訪問時高歌一曲，不過不少網民指聽落仲尷尬過羅生的「屯馬開通真的很興奮」。
完整訪問影片：
「其實全部男人係咪多多少少都有啲交通膠」
鐵路迷擁擠係閘口的片段被網民熱討，指成班好似韓國電影《屍速列車》咁：「其實全部男人係咪多多少少都有啲交通膠/對交通工具著迷，只不過對象唔同？」網民指出其實同女人迷包包、化妝品一樣，「男人係對機械着迷」「鐵膠巴膠比人笑係因為佢地真係膠到震行為」「問題係個樣x」。不過有網民指唔好以偏概全「大把男人對交通工具冇興趣，例如我見到啲跑車都淨係會覺得好嘈」。甚至有網民將其他地區的鐵路迷比較，有感比香港的鐵路迷「正常」「正正常常、有洗頭、有剪頭髮」、「日本都有好多正常鐵膠，就算唔靚仔都講嘢有紋有路啪啲片講下歷史當睇旅行片又幾有趣」
原文：
重溫屯馬開通羅生高歌一曲洗盡住城腦
「這句歌詞我自己想的，屯馬開通真的很興奮，就是這樣了，可以形容我此刻的心情。」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
圖片來源：無綫新聞，lihkg討論區截圖，電影《屍速列車》截圖，youtube＠TVB USA Official，資料或影片來源： youtube＠TVBUSAOfficial