【鍾培生林作】林作女裝 答應鍾培生大戰！向曾志偉提議「買下直播權」、舊愛麥明詩發火

撰文：Lmc｜圖片：林作@Facebook、鍾培生@Facebook、麥明詩@Facebook、鍾培生@IG｜編輯：海月

林作女裝 答應鍾培生大戰

鍾培生打開拳擊，林作只踢開波，不少網友表示留名睇鍾培生KO林作，食晒花生。昨晚林作轉發一張列明10項比賽條件的圖片，外界一直認為林作縮沙云云，今日他終於出Post答應出戰，更貼出露腿相留言：「各位，本人正式宣佈： 我接受挑戰。 詳細資料需要和鐘生夾下，請大家稍候。 Let’s go. No pu__y. 我從未龜縮過。我係林作。 打殘鍾培生計劃，由今日開始。」

而鍾培生也立即留言回覆和開post回應林作：「 我從來唔打女人，你將會係第一個，我會打到你記得我個鍾字點，Sign the f__king contract , no bulls__t let’s go」叫林作快點簽合約，不要再廢話，相當霸氣。

林作很快再開發帖，建議TVB買下「臨終之戰」直播權：「本人將同終生提議，建議TVB買下『臨終之戰』直播權。既然閣下負責綜藝節目，希望改革，一洗頹勢，咁就讓無綫回歸當年本質，為大家帶來真正嘅娛樂吧。我能夠一舉將收視推上當年高峰。因為本人代表的，就是現今時下的娛樂。唯一問題，係唔知你OK唔OK台上搞出人命。畢竟，目前業餘足球圈瘋傳，話林作，其實係個好勁嘅運動員，重錘出擊，後果自負。」似乎對自己十分有信心。

對於林作和鍾培生一戰，林作舊愛麥明詩曾表示期待成事，不過今日二人搬埋女人嚟講，麥明詩就發火，出帖文用英文大鬧：「你哋兩個打還打，唔好再貼性別標籤，陰道唔比陽具弱。你哋阿媽生你養你，比你哋更有勇氣同力量，唔好再將軟弱同怯懦拉落女人度。」

網友也馬上留言力撐麥明詩，指：「咪鬼再理佢哋，慳返啖氣好過，你早離開佢簡直係呢人生最正確嘅事，遺憾係佢成為你人生嘅污點。」和「明詩走得快，一定有古怪。」