【鍾培生林作大戰】亞視有意直播大戰！網友笑言：邊到有得睇亞視？

撰文：Lmc｜圖片：林作＠Facebook、鍾培生＠Facebook、ATV 亞視數碼媒體｜編輯：海月

日前亞視執行董事陳偉傑出席《百萬拳王》大埔舉行記者會，陳偉傑主動提到近日林作與鍾培生的牙骹戰，更表示：「如果林作同鍾培生唔介意我哋幫佢搞直播，播埋佢哋嗰場拳賽都OK嘅。」他又講到暫時未有人聯絡自己，陳偉傑也會嘗試接洽林作和鍾培生。

被問到為何對這場拳賽有興趣，陳偉傑就指因為他們都需要場地，提到：「亞視係一個開放平台，我係可以贊助個擂台同搞直播啫，唔係抽佢水唔收佢錢嘅。」但《百萬拳王》節目負責人黎文狄就唔係咁睇，笑言：「我哋係驚佢打唔成啫。」似乎跟大家一樣，怕他們吹水做新聞多過真打，真係「唔怕你真打，最怕你縮沙。」

對於亞視有意播「林鍾一戰」，普遍網友也不樂觀，一來認為林作與鍾培生齋吹多過真打，二來覺得「亞視，諗咩節目都同香港人脱離。」更有網友表示：「兩條粉腸咁樣衰，直播都唔想睇，而且得個講字，係男人嘅，一講就埋牙啦，咁多廢話。」和「2046都未睇到。」

一直有網友覺得二人夾新聞，網友推算亦非無道理。第一，林作上年開始發展保險事業，需要用網上新聞為自己炒人氣，增加曝光率，以幫助他的保險事業。而鍾培生雖然也有心拍Youtube，但未到爆到可以上到C1，如今他們拉鋸多天，仍未有實際比賽日子。即使打唔成，他們在這星期已增加了曝光率，完全冇蝕兼在最低成本下，贏盡關注度。