真係減到壓？屍骨Garden填色書-殭屍樂園

治癒系減壓神器填色書《秘密花園》（Secret Garden）你填晒？減壓填色App你又玩過？有啲悶悶哋？不如試下呢本！《殭屍樂園 解壓塗繪本》勁囉！之前你就靠填下啲花花草草嚟減壓治癒，呢本就靠填屍體同斷肢、內臟同血液嚟重口味式減壓！隨書重附送12色「血色噴濺蠟筆組」，驚死你唔識填「血腥」配色咁，教埋你以疊色「畫出最具個人特色、骯髒污穢、噁心透頂的曠世巨作！」~包括亡靈皮膚色、殭屍血液色等等…本勁嘢於9月24日台灣推出，小編睇到啲宣傳字句已經好想擁有：「內臟和血液、屍體和斷肢，殘酷度100%！ 缺手斷腳、血液噴濺，刺激度100%！ 幽默又俏皮的旁白，惡搞度100%！ 保證舒壓程度300%!! （膽小者請勿翻閱）」！至於治癒個層…相信填完唔發惡夢都當你贏啦！