網民轟藝人去迪士尼助長歪風 謝安琪張繼聰一家被狠批？﹗
網民狠批「去迪士尼＝唔識教仔」
網民指家長帶小朋友去迪士尼，好似落公園玩一樣咁casual，狠批家長們「唔識教仔，、冇心去教、冇腦，排隊都係為方便自己撳手機。識教就應該接觸吓大自然，去培養小朋友真正興趣」，並狂轟呢類家長「無學識、無文化、只懂港女港男式消費去教仔」，此帖一出，引起家長們瘋湧留言，兩方各持己見，激烈爭論，。
謝安琪、張繼聰躺著也中槍
有網民點名指明星帶頭成日去迪士尼，因而助長此風，開名謝安琪、張繼聰一家、陳茵媺、湯盈盈、王祖藍等都係此類「無文化」家長。有不少網民支持說法，留言「去迪士尼根本無營養」、「細細個培養佢哋扮公主，咪養成公主病囉」、「教到下一代淨係以消費換取快樂」、「放狗咁放啫，你想放狗有幾營養？哈哈」、「買咗年卡梗係去盡，香港人精神，貪就貪盡佢」、「應該學吓外國家長咁，去大自然探索下，遊山玩水接觸大自然」、「所以我冇帶過個仔去迪士尼，教曉佢洗衫煮飯掃地，佢一個人生活都得」等等。
家長：迪士尼係一個學習好地方
而另一方家長就指成日去迪士尼冇問題，而且從中可以學英文、學社交、學溝通，係一個好好的學習好去處，留言「人哋有錢日日去關係Q 事咩？」、「對小朋友嚟講，隨處都可以有嘢學，唔通學法文就一定要掟去法國咩？」、「請問點為止有營養活動？教小朋友唔係返工，係無放工呢回事，全家去玩下輕鬆下又有問題？」、「日日補習囉，到時又話冇童年」、「應該教子女上連登，睇樓主講嘢最夠營養」、「迪士尼唔係淨係得公主王子，好多電影教小朋友勇敢，好多正面訊息」、「入去睇英文騷唔得？晝室學畫畫，仲有泰山船全程英文，又可以同陌生人互動溝通」、「唔係疫情一早出咗埠見識世界啦，得幾歲人仔點同佢荒山野嶺遊歷？仲要一手抱一手拎奶粉袋，唔好咁離地啦」、「去迪士尼先係同人最多互動嘅公園，可以問人攞貼紙又教畫畫」、「小朋友學習機會無處不在，迪士尼何嘗唔係一個學習樂園呢？」等等。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
