最新兼職騙案！普通貓cafe的店務員招聘都係呃人？專呃大學生高齡人士！
普通兼職貓cafe的店務員都會中招？
有位網民於討論區出post「原來而家請part time咁霸道 比啲豬頭骨你唔做就威脅你」，事件講述該網民的女朋友最近搵part time，就於fb的群組見到一個幾吸引的招聘，係一間貓cafe的店務員，時薪＄95－105一小時仲有膳食同交通補貼福利，工作內容都係招待客人、店面清潔以及收銀為主，要求係喜歡貓、待客有禮、有責任感，仲歡迎畢業生、中高齡人士等。睇落只係普通part time，純粹時薪比一般店務員可能高少少。
根本係掛羊頭賣…迫你2星期內返工？唔返就列入黑名單
而該網民的女朋友就被呢份招聘吸引咗聯絡該公司，點知聯絡之下，間公司就話本來貓cafe的店務員的工作已經無咗，然後就俾咗一堆網民形容為「正常市價嘅豬頭骨工」俾佢女朋友揀，網民女朋友唔肯之下，仲要迫佢一定揀一份工，要求2星期內一定要返工，大佢女朋友如果而家唔揀，就會將佢列入黑名單，仲會無咗8成的工作機會，因為其公司喺網絡上的招聘佔據8成，仲要遍佈任何一個招聘平台，表示如果得罪佢哋將來繼續搵工都會面臨被留難的問題。
是手機專門店嗎？「邊夠我哋公司玩」
網民的女朋友即刻表示已cap圖，認為該公司係威脅佢，並表示明明無簽約又無口頭承諾返工底下，點知要迫佢2星期內返工。跟住間公司話自己並無威脅，只係溫馨提示，然後仲po出公司圖，圖中枱上全是手機，表示「邊夠我哋公司玩」。事主表示現今該公司仲要不斷用未知來電狂打俾佢女朋友，已經報左警，想知點算好。
網民：專呃中學生、大學生 返完無糧出！
有唔少網民留言，原來有人同樣中過招，佢哋係有組織地呃人，已經呃咗好一段時間，專呃中學生、大學生，更有網民指返咗佢要求的工仲會無糧出「呢間出哂名 翻完唔出糧 office喺屯門站」「呢間嘢好耐啦，估唔到而家仲呃到人」又有網民提醒搵工都係去返專業的求職網搵會比較穩陣。「點解會去依啲地方搵part time，2024年唔使靠依啲濕x公司，一街都係搵工網同app，明買明賣直接對果間公司」「所以搵pt都係去返求職啦」「去床哥心事台爭取公義啦」「支持報上東張」「蚊型office 話自己hold住8成jobs」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
