港男謝天榮再PO「老婆」明日香合照！情人節一家三口交換禮物 羨煞一眾單身狗
廣告
港男驕傲謝天榮日前高調宣布同明日香人性娃娃Mochi「結婚」，呢份勇氣令一眾港男為其讚好！前幾日過情人節，熱戀期嘅佢地自不然要放閃。謝天榮就放咗一張合照，相片內佢地互相⋯⋯
撰文：神仙b｜圖片：謝天榮 Facebook 截圖｜編輯：海月
港男謝天榮再PO「老婆」明日香合照
港男之光謝天榮早前高調宣布同《新世紀福音戰士》角色明日香的人形娃娃Mochi「結婚」。結婚冇耐，佢哋係今年一月份仲「生埋女」。目前與明日香「育有」一名女兒嘅天榮哥就話，雖然兩人「湊女」，但都有好好慶祝情人節。佢照慣例於Facebook大曬同「老婆」共度歡樂時光嘅甜蜜相。
與謝天榮分享嘅相中見到，佢愛意滿滿咁攬住老婆一起切蛋糕，又互贈禮物慶祝。場面即浪漫又溫馨。兩人一張張嘅合照甜蜜親暱，簡直虐死一眾單身狗！
謝天榮一直寵愛老婆 Mochi 生日送iPhone 12 Pro Max
謝天榮寵妻一早就響負盛名，送禮一貫相當大手筆！舊年，12月4日Mochi生日當天，謝天榮便在Facebook分享喜悅。佢稱，自己為「老婆」送上一部iPhone 12 ProMax 作生日禮物！
網民紛紛送上祝福 希望佢哋一直幸福快樂
當日謝天榮一家三口的幸福合照引起網民關注，有人留言表示：
「情人節快樂！一家甜甜蜜蜜」
「一直幸福下去」
「小朋友快高長大」。
