【藍橘子】《無用emoji，女朋友話我態度差》
【藍橘子】《無用emoji，女朋友話我態度差》
今朝搭巴士返工，聽到面前有個西裝男人講電話，愈講愈激動。
本來諗住塞耳筒聽歌唔理佢，但基於八卦食花生嘅心態，Airpod又漏聲喎，我就勉為其難聽吓佢哋講乜。
點知個男人講咗一句，我差啲忍唔住爆笑咗出嚟，對話如下：
男人：「我態度唔好？！我已經send咗個笑喊嘅emoji啦！妳仲想我點啊？」
男人：「妳成日計較啲emoji有咩意思，無打emoji你又話我態度差！到底妳想我點啊？」
女人講嘢激動到連我都聽到：「咁你而家咪態度差囉！」
男人臨收線之前，仲對住個電話大吼：「我要返工啊！唔得閒理妳啲小姐脾氣啊！妳笑喊！BYE！」
從古至今，人類溝通時臉部表情都好重要，甚至講同一句說話，用唔同表情，畀人嘅感覺都唔同。
你笑住講粗口，人哋會覺得你講笑。亦根據調查顯示，100%嘅女朋友笑住講「無事～我都無嬲～」，其實佢係嬲緊你…
根據心理學所講，如果一個人溝通時眼睛經常瞟向門口，或腳尖指向門口，代表佢好想中止對話逃離現場。
有好多書籍，就係教你觀察對方「微表情」嚟得知對方當時嘅想法。
咩叫微表情？就係對話時，不自覺做出嘅小動作或表情。搔頭、搔鼻頭、托眼鏡之類…除咗一般對話，政客演講時嘅手勢都好講究。
而emoji正正就可以完美遮掩真實情感嘅工具，回想起以前ＩＣＱ，就算無EMOJI，都會打好多表情，例如=_=、T_T、A_A之類，一直到MSN、WHATSAPP，所以emoji係溝通不可或缺嘅工具。
我強烈建議公司出e-mail都要加emoji，因為就算你加Please kindly 乜乜乜，對方睇到時，都會覺得你串鳩佢做嘢慢。
但如果可以加個笑笑臉紅，或者馬騮掩眼嘅emoji，催人做嘢感覺上都有禮貌啲。
此外，成日聽人講交談最緊要望住對方隻眼，當你以為望實對方隻眼，就知對方有冇講大話？
其實…人體最誠實嘅部位，係對腳。緊張會un腳、會撓腳，心急離開時腳尖會對住個門口等等…
所以我覺得，男人咁鍾意J長腿，其實都係想瞭解女人個心諗乜啫～
內容延讀：
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
