【新蚊熱話】港女買魚以為被人呃？「點解生猛魚劏了會凍冰冰呢？」

撰文：Mike｜圖片：Facebook截圖｜資料來源：良景居民, Wiki

港女買魚唔知魚冷血？

該位港女表示「剛剛去良景街市買咗這一條魚，買時好生猛，劏咗之後交給我是凍冰冰的一條魚，我懷疑貨不對辦，就搵檔主問點解生猛魚劏了會凍冰冰呢？」。其後該檔主解釋是因為水溫問題時，那位港女就心有不甘於是到街市管理處投於但亦得到同樣答覆。其後在專頁上發文投訴，更表示「有的人說大陸人騙人，我覺得香港人有啲依家都一樣。街市打工的人態度越來越差，剛才我還被兩個當主圍攻我話我傻，真是欺人太甚。投訴冇門。」

假如筆者沒記錯的話，魚類絕大部份都是變溫動物/冷血動物，也就是無法較體內自行調溫的生物吧？（小知識：不過近年有研究發現斑點月魚是有能力自行調整體溫，不過跟那位港女買的那條盲鰽是不同的）

網民回應：「你幾時有買過魚係有體溫架」

而在港女發文後隨即有不少網民解答其疑問，當中有人直言「你幾時買過魚有體溫架」、「絕大多數的魚都係冷血動物…他們的解釋不無道理」、「買餸都買咗幾十年，仲問啲咁嘅問題，人地話係傻都真係好客氣。」；不過亦有人想支持港女的說法，表示「本身條魚隻眼都矇晒，會有幾生猛」，但隨後則有人表示「條盲鰽生猛對眼都係矇」。至於發文後那位港女本人則未有再作任何回應。